თითქმის 10 წელია, რაც რიანამ ფანებს მოუწოდა „ბრილიანტივით ებრწყინათ“. და მათაც მოუსმინეს, რასაც მომღერლის ახალი მიღწევა ადასტურებს.
რიანას ვიდეოკლიპი 2012 წელს გამოსულ სიმღერაზე „Diamonds” ოფიციალურად გასცდა 2 მილიარდ ნახვას იუთუბზე. აქამდე ეს შედეგი უკვე ჰქონდა რიანას 2 სიმღერას, თუმცა ორივე დუეტს – კელვინ ჰარისთან და ემინემთან ერთად. ასე რომ, “Diamonds” რიანას პირველი სოლო ვიდეოკლიპი გამოდის, რომელმაც ასეთ სიმაღლეებს მიაღწია.
“Diamonds” რიანას ერთ-ერთ ყველაზე დიდ ჰიტად რჩება ბილბორდის ჩარტებში. 2012 წლის დეკემბერში ის Billboard Hot 100-ის პირველ ადგილს იკავებდა. დღევანდელი მონაცემებით კი რიანა 14-ჯერ იყო ჩარტის სათავეში, რაც მას საერთო ჯამში მესამე ადგილზე აყენებს Hot 100-ის ისტორიაში. პირველ ადგილზეა “Beatles” 20-ჯერ ჩარტის სათავეში ყოფნით, მეორეზე კი მერაია ქერი, რომელიც 19-ჯერ იყო პირველ ადგილზე.
Რიანა არ არის ერთადერთი შემსრულებელი, რომელმაც წელს იუთუბზე 2 მილიარდ ნახვას მიაღწია. Მათ რიცხვშია ასევე ბრუნო მარსის “That’s What I Like” და ადელის “Rolling In the Deep”. თუმცა ყველაზე მეტი ნახვა იუთუბის ისტორიაში ისევ Pinkfong-ის სიმღერას “Baby Shark Dance” აქვს, რომელიც ამჟამად 11 მილიარდ ნახვაზე მეტს ითვლის.
