ღონისძიებაზე “Carousel of Hope” ბავშვთა დიაბეტის ფონდისა და ბარბარა დევისის დიაბეტის ცენტრისთვის 1.7 მილიონ დოლარზე მეტი შეგროვდა. წელს, რიგით 36-ე ღონისძიება შედგა. ამ დრომდე სულ შეგროვებულია 110 მილიონ დოლარზე მეტი, რომელიც დიაბეტის კვლევისა და მკურნალობისთვის გამოიყენება. „დიაბეტის ტიპი 1, შენ წახვალ. ცოტაღა დარჩა, სანამ ყველა განიკურნება”, – საღამოზე ასეთი მესიჯი გაავრცელეს.
ღონისძიებაზე ჯონ ლეჯენდმა, ენდი გრემერმა და დებორა კოქსმა იმღერეს. დაიან კიტონს კი ჯილდო ფილანთროპიული საქმიანობისა და დიაბეტის წინააღმდეგ ბრძოლისთვის „ემის” მფლობელმა მსახიობმა ლორეტა დევინმა („გრეის ანატომია”) გადასცა. „აღფრთოვანებული ვარ ასეთი მნიშვნელოვანი ჯილდოს მიღებით, რომელიც დღეს მსოფლიოსთვის უმნიშვნელოვანესი და უნივერსალური მოტივით მერგო”, – განაცხადა მსახიობმა სიტყვით გამოსვლისას.
