ჰაკერს, რომელმაც ბრიტანელ ედ შირანსა და ამერიკელ ლილ უზი ვერტს ჯერ კიდევ გამოუცემელი სიმღერები მოჰპარა, 18 თვით თავისუფლების აღკვეთა მიესაჯა.
23 წლის ადრიან კვიატოვსკიმ მომღერლების ანგარიშები გატეხა და მათი სიმღერები კრიპტოვალუტაში გაყიდა. საქმე ლონდონის პოლიციამ გამოიძია და დაადგინა, რომ კვიატკოვსკიმ ამ მაქინაციებით 147000 დოლარი მიიღო.
საქმის გამოსაძიებლად ლონდონის პოლიცია შეერთებული შტატების სამთავრობო სტრუქტურებთან თანამშრომლობდა. გამოძიება მას შემდეგ დაიწყო, რაც რამდენიმე მუსიკოსის მენეჯერებმა განაცხადეს, რომ პიროვნება, ონლაინ სახელით “სპიდრაკი”, მათი კლიენტების ანგარიშებიდან კონტენტს ყიდდა.
გამოძიება 2019 წელს დაიწყო და ნაპოვნი იქნა კავშირი “სპიდრაკსა” და კვიატაკოვსკის კრიპტოვალუტის ექაუნთს შორის.
„კიბერდანაშაულმა საზღვრები არ იცის. ამ პიროვნებამ ძალიან კომპლექსური სქემა შეადგინა, რომ უკანონოდ მოეპოვებინა სხვისი საკუთრება და თავისი ჯიბე გაემდიდრებინა”, – განაცხადა მანჰეტენის პროკურორმა.
