ჯუდით ჰილის მუსიკალური საღამო „რესპუბლიკაში”

ჯუდით ჰილი
Smallz + Raskind

18 ნოემბერს „რესპუბლიკაში” მსმენელის წინაშე კალიფორნიელი მულტიინსტრუმენტალისტი შემსრულებლის, ჯუდით ჰილის მუსიკალური საღამო გაიმართება. 

ჯუდით ჰილის ხმა ყველასთვის ნაცნობია. ის მღეროდა ისეთი მუსიკოსების ბექვოკალში, როგორებიც არიან სტივი უანდერი, ელტონ ჯონი, რობი უილიამსი და სხვები.

ჯუდით ჰილის კარიერის ყველაზე გამორჩეული მოვლენა მაიკლ ჯექსონთან დუეტია. სიმღერა “I Just Can’t Stop Loving You” მათ 2009 წელს  This Is It ტურნეს ფარგლებში ერთად უნდა შეესრულებინათ. თუმცა ტურნემდე ჯექსონი გარდაიცვალა. დაკრძალვის ცერემონიალზე სწორედ ჯუდითს ხვდა წილად პატივი, შეესრულებინა თავად პოპის მეფის სიმღერა “Heal the World”, რაც ცერემონიალის ერთ-ერთ კულმინაციურ მომენტად იქცა. ამის შემდეგ ჯუდითმა თავისი პირველი სინგლი “I Will Always Be Missing You” გამოსცა, რომელიც სწორედ მაიკლ ჯექსონს მიუძღვნა. 

ჯუდით ჰილი საკუთარ თავს თამაშობს ფილმში 20 Feet from Stardom, რომელმაც საუკეთესო მუსიკალური ფილმისთვის გრემი, ხოლო საუკეთესო დოკუმენტური ფილმისთვის ოსკარი დაიმსახურა. ფილმი ბექვოკალისტების ცხოვრებაზეა. 

მომღერალს გამოცემული აქვს 4 ალბომი. მის სადებიუტო ალბომზე Back in Time თავად პრინცმა იმუშავა. Მუსიკოსმა ბექვოკალისტის შესახებ მაშინ გაიგო, როცა ჯუდითი სატელევიზიო ინტერვიუში ამბობდა, რომ პრინცთან მუშაობაზე ოცნებობდა. პრინცი გოგონათი დაინტერესდა და მისი სიმღერების მოსმენის შემდეგ  ჯუდითის პირველი ალბომის პროდიუსერიც გახდა. 

ნახეთ ჯუდით ჰილის მიმართვა ქართულ აუდიტორიას

Share
Tweet
Share
Share
Share

წინა სტატია

რობერტა ფლეკს ALS-ს გამო სიმღერა აღარ შეუძლია 

შემდეგი სტატია

ნიკ კარტერი აარონ კარტერის სახელზე ფსიქიკური ჯანმრთელობის ფონდს ქმნის 

შეიძლება დაგაინტერესოთ

7 დეკემბერს 4D MONSTER LOBSTERS-ის კონცერტი Billboard Georgia Stage-ზე 

Billboard Georgia Stage-ის ფარგლებში გამართულ კონცერტზე მოისმენთ როგორც ბენდის უკვე კარგად ნაცნობ ჰიტებს, ასევე ცოცხალი შესრულებით პირველად გაჟღერდება მათი ახალი სიმღერებიც.
მეტი
Anman.land

ქართველი არტისტი Anman.land (ანამარია ბურდული) ლონდონში, ალბერტ-ჰოლის საკონცერტო დარბაზში წარდგა

ალბერტ ჰოლის საკონცერტო დარბაზში ისეთ ცნობილ მუსიკოსებს და ბენდებს ჰქონიათ კონცერტები, როგორიცაა The Beatles, Deep Purple, Pink Floyd, Depeche Mode და სხვა.
მეტი

„ზრუნვა” – Melqo-ს პირველი ექსპერიმენტული კონცერტი სოციალური მესიჯებით

„ეს პროექტი არის მცდელობა, შევქმნათ ნამდვილი, ავთენტური, ცოცხალი, აბსოლუტურად ადამიანური შეგრძნება.”
მეტი