რობერტა ფლეკს ALS-ს გამო სიმღერა აღარ შეუძლია 

რობერტა ფლეკს ALS აქვს – ცნობილი, როგორც ლუ გერიგის დაავადება. როგორც მისმა წარმომადგენელმა განაცხადა, ამის გამო მას სიმღერა აღარ შეუძლია.  

 „ახლა მისთვის შეუძლებელია, იმღეროს და რთულია, ისაუბროს. მაგრამ ALS ვერ მოახერხებს საკულტო მომღერლის გაჩუმებას.” ნათქვამია პრეს-რელიზში. 

ALS – ამიოტროფული გვერდითი სკლეროზი – ნევროლოგიური დაავადებაა, რომელიც მოქმედებს ნერვულ უჯრედებზე ტვინსა და ზურგის ტვინში და გავლენას ახდენს კუნთებზე.  ყოველწლიურად ამ დიაგნოზს 5000-მდე ადამიანს უსვამენ.

ცნობა ფილმ  „რობერტას” პრემიერამდე გავრცელდა, რომელიც 17 ნოემბერს უნდა შედგეს. ფილმი ფლეკის ცხოვრებასა და კარიერაზეა. 

რობერტა ფლეკი ცნობილია მისი ჰიტებით  “Killing Me Softly With His Song” და “The First Time I Ever Saw Your Face”, რომელიც კლინტ ისტვუდის ფილმშია გამოყენებული. სიმღერამ 1973 წელს გაიმარჯვა გრემის ნომინაციაში წლის ჩანაწერი. 

ჰიტმა “Killing Me Softly With His Song” კი 1974 წელს მომღერალს ორი გრემი მოუტანა – წლის ჩანაწერისა და ქალის საუკეთესო ვოკალური შესრულებისთვის. 2023 წელს ფლეკის საეტაპო ალბომის “Killing Me Softly” 50 წლის იუბილე სრულდება. ამ თარიღის აღსანიშნავად ალბომის სამახსოვრო გამოცემა გამოვა.