7 იანვარს პერის ჰილტონმა ინსტაგრამზე მეგობრის დაბადების დღის წვეულებაზე გადაღებული ფოტოები გამოაქვეყნა. ერთ-ერთ ფოტოში ჰილტონი ბრიტნი სპირსთან ერთად პოზირებს. აღნიშნულმა კადრმა კონსპირაციული თეორიები გამოიწვია. სოციალური ქსელის მომხმარებლებმა კომენტარებში დაწერეს, რომ ფოტოზე რეალური ბრიტნი არ არის აღბეჭდილი და ეს პროგრამული მანიპულაციით შექმნილი გამოსახულებაა. Პოსტს პერის ჰილტონის მისამართით ბრალდებებიც მოჰყვა. რამდენიმე კომენტარის ავტორი ვარაუდობდა, რომ ჰილტონი ბრიტნი სპირსის გაუჩინარების შესახებ ისტორიას ნიღბავს.
გავრცელებულ თეორიებს საბოლოოდ თავად პოსტის ავტორიც გამოეხმაურა:
„მათ საპასუხოდ, ვისაც კითხვები გაუჩნდა. ფოტოები iPhone-ით არის გადაღებული, ამიტომაც გამოსახულება ბუნდოვანი გამოვიდა. სურათები დამუშავებულია აპლიკაციით, სახელწოდებით Remini. Მან ე.წ. ბლარის ეფექტი გააქრო, თუმცა გამოსახულების სტრუქტურაზე აისახა“ – აღნიშნა ჰილტონმა – „არ მინდოდა გამოხმაურება, თუმცა ზოგიერთი კონსპირაციული თეორია უბრალოდ აბსურდულია“
Ნახეთ წვეულების ფოტოები, რომლებიც პერის ჰილტონმა ინსტაგრამზე გამოაქვეყნა:
