მადონა ეიჯიზმსა და მიზოგინიას უწოდებს იმ უარყოფით გამოხმაურებას, რაც მის გრემიზე გამოჩენას მოჰყვა 

პოპის ლეგენდა ამბობს, რომ მისი განსხვავებული გარეგნობა გრძელი ლინზით გადაღებულმა ახლო კადრმა გამოიწვია.
მადონა
Ricardo Gomes

2023 წლის გრემის დაჯილდოებაზე მადონამ სცენაზე სემ სმიტი და კიმ პეტრასი წარადგინა უკვე  გრემის მფლობელი სიმღერის Unholy-ს შესასრულებლად. პოპვარსკვლავი სიტყვითაც გამოვიდა და დუეტი გამბედაობისა და პროვოკაციულობისთვის შეაქო. 

თუმცა მომღერლის სიტყვა მის გარეგნობაზე აგორებულმა კრიტიკამ გადაფარა. ინტერნეტში აქტიურად განიხილავენ, თუ როგორ განსხვავებულად გამოიყურება პოპვარსკვლავი და ამაში ცუდად გაკეთებულ პლასტიკურ ოპერაციებს ადანაშაულებენ. 

კრიტიკის საპასუხოდ კი მადონამ ინსტაგრამზე დაჯილდოების ცერემონიაზე გადაღებული ვიდეოების კოლაჟი გამოაქვეყნა. „ჩემთვის პატივი იყო, გრემის სცენაზე კიმ პეტრასისა და სემ სმიტის წარდგენა. თავიდან ბოლო ჯილდოს – წლის ალბომის გადაცემა მინდოდა, მაგრამ მერე ვიფიქრე, რომ ბევრად მნიშვნელოვანი იყო, გრემიზე პირველი ტრანსგენდერი ქალი წარმედგინა – ეს ისტორიული მომენტია!!!”

ამის შემდეგ მადონა უკვე მის გარეგნობაზე გაკეთებულ უარყოფით კომენტარებს გამოეხმაურა. „ბევრმა ადამიანმა გადაწყვიტა, რომ მხოლოდ ჩემს ახლო კადრებზე ისაუბროს. ეს ფოტოები გრძელი ლინზითაა გადაღებული, რომელიც ნებისმიერის სახეს დაამახინჯებს. კიდევ ერთხელ გავხდი ეიჯიზმისა და მიზოგინიის სამიზნე, რომლითაც გაჟღენთილია დღეს მთელი მსოფლიო. სამყარო, რომელიც უარს ამბობს, მიიღოს 45 წელს გადაცილებული ქალები და მათი დასჯის სურვილი უჩნდება, თუკი ისინი გადაწყვეტენ, იყვნენ გაბედულები, შრომისმოყვარე და თავგადასავლებით სავსე.”

მადონა ასევე აღნიშნავს, რომ მას არასდროს მოუხდია ბოდიში საკუთარი გარეგნობის გამო და ამის გაკეთებას არც ახლა აპირებს. შემდეგ კი ბიონსეს სიმღერის ტექსტს ციტირებს: „თქვენ ვერ გატეხთ ჩემს სულს.”

„მედია ჩემი კარიერის დასაწყისიდანვე მამცირებდა, მაგრამ მერე მივხვდი, რომ ეს ყველაფერი გამოცდაა. ახლა ბედნიერი ვარ, რომ გზის გამკვალავი ვარ ქალებისთვის ჩემ შემდეგ, რომლებსაც შეუძლიათ ეს გზა უფრო მარტივად გაიარონ.”

ნახეთ მადონას პოსტი:

Share
Tweet
Share
Share
Share

წინა სტატია

ჰარი სტაილსისა და ლიზოს თბილი შეხვედრა 2023 წლის გრემიზე: ნახეთ ფოტოები

შემდეგი სტატია

SNL-ის ახალ ეპიზოდს ვუდი ჰარელსონი წაიყვანს, მუსიკალური სტუმარი კი ჯეკ უაიტი იქნება

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი