The Hollywood Reporter-ის ცნობით, „მოანას” ფილმის გადაღებებს Hamilton-ის რეჟისორი თომას კაილი უხელმძღვანელებს. მასთან ერთად ფილმის პროდიუსერი იქნება დუეინ ჯონსონიც, რომელიც, როგორც ანიმაციურ ფილმში, აქაც მაუის როლს განასახიერებს.
ჯერჯერობით ისევ არ არის ცნობილი, ვინ შეასრულებს თავად მოანას როლს. ცოტა ხნის წინ აული კრავალომ, რომელიც ანიმაციურ ფილმში მოანას პერსონაჟს ახმოვანებს, განაცხადა, რომ ფილმში მთავარ როლს ის აღარ ითამაშებს და ამის ნაცვლად, პროექტის აღმასრულებელი პროდიუსერი იქნება.
„როცა 14 წლის ასაკში მოანა გავახმოვანე, ამან საოცრად შეცვალა ჩემი ცხოვრება და ჩემი კარიერის დასაწყისი გახდა. ფილმში მოანას მე აღარ ვითამაშებ. ვფიქრობ, სასიცოცხლოდ მნიშვნელოვანია, რომ მსახიობებმა ძალიან ზუსტად წარმოაჩინონ პერსონაჟები და ის ამბები, რომელთა მოყოლაც გვსურს. ერთი სული მაქვს, როდის ვიპოვით შემდეგ მსახიობს, რომელიც მოანას მამაც სულსა და ემოციურ სიძლიერეს განასახიერებს. ჩემთვის პატივია, რომ ეს დროშა წყნარი ოკეანის კუნძულების შემდეგ ქალს გადავცე, რათა კიდევ ერთხელ მივაგოთ პატივი ჩვენს საოცარ ხალხს, კულტურასა და საზოგადოებას, რომელთაც შთაგონება მისცეს ამ ამბავს.”
