ინტერნეტში ზენდეიას და ტომ ჰოლანდის ერთობლივი ვიდეო გავრცელდა. ვიდეო ბიონსეს კონცერტის დროს ერთ-ერთმა მსმენელმა გადაიღო. აღნიშნული შოუ Renaissance-ის მსოფლიო ტურნეს ფარგლებში პოლონეთის დედაქალაქ ვარშავაში გაიმართა.
ჩანაწერში ბიონსე სცენაზე 2011 წლის ჰიტს სახელწოდებით Love on Top ასეულებს, ამ დროს კი კამერა სცენასთან მდგომ ზენდეიას და ჰოლანდს აფიქსირებს, რომლებიც პოპ ვარსკვლავს აჰყვებიან და ერთმანეთს ტრეკის მისამღერს უმღერიან.
ზენდეია და ტომ ჰოლანდი ორი წელია რაც ერთმანეთს ხვდებიან. მათი ურთიერთობა Spider-Man-ის გადაღებებისას დაიწყო.
ახლახან ტომ ჰოლანდმა Buzzfeed-ის ერთ-ერთ ვიდეოში მიიღო მონაწილეობა, რომელშიც 30 კითხვისათვის სწრაფად უნდა გაეცა პასუხი. საუბრის დროს ჰოლანდმა ზენდეია არაერთხელ ახსენა, მაგალითად მსახიობმა აღიარა, რომ ბავშვობაში მისი საყვარელი ცნობილი ადამიანი სწორედ ზენდეია იყო. ტომ ჰოლანდის თქმით, ზენდეიას თაყვანისმცემელი ჯერ კიდევ 2010-2013 წლებიდან არის, როცა მსახიობი Disney Channel-ის პროექტ Shake It Up-ში ნახა. ერთ-ერთ კითხვაზე ჰოლანდმა ასევე თქვა, რომ უკანასკნელი ადამიანი, ვისაც ე.წ. Მიმი გაუგზავნა, ზენდეია იყო. „ძალიან ბევრს [„მიმს“] მიგზავნის. რამდენიმე დღით ინსტაგრამი წავშალე და შემდეგ როდესაც კვლავ გადმოვწერე, მისგან ასობით [„მიმი“] დამხვდა.“ – აღნიშნა ტომ ჰოლანდმა Buzzfeed-ის ვიდეოში საუბრისას.
ნახეთ ზენდეიას და ტომ ჰოლანდის ვიდეო, რომელშიც წყვილი ბიონსეს კონცერტზე დასწრებისას არის გადაღებული:
TOM HOLLAND & ZENDAYA SINGING “LOVE ON TOP” AT BEYONCÉ’S SHOW IN WARSAW TONIGHT – that’s the cutest thing you’ll see today 🥹🥹#RenaissanceWorldTour 🇵🇱🫶🏻 pic.twitter.com/xLyxkxaUFi
— ariannea (@ariannea_minaj) June 27, 2023
