The Killers-ის კონცერტი, რა მოხდა  Black Sea Arena-ზე

The Killers-მა Black Sea Arena-ს კონცერტზე რუსი დრამერი სცენაზე აიყვანა, რის გამოც მსმენელების ნაწილმა დარბაზი დატოვა.
The Killers
The Killers

15 აგვისტოს Starring Georgia კამპანიის ფარგლებში ცნობილმა ამერიკულმა როკ ბენდმა  The Killers, Black Sea Arena-ზე კონცერტი გამართა. The Killers-ის კონცერტამდე სცენა საქართველოში ერთ-ერთმა ყველაზე პოპულარულმა  ბენდმა LOUDspeakers-მა გახსნა. კონცერტი წყნარ და მშვიდ გარემოში მიმდინარეობდა, ყველა The Killers ელოდა, მისი გამოსვლა ცნობილი სიმღერით MR Brightside დაიწყო. სიმღერის დასრულების შემდეგ კი ოვაციები არ წყდებოდა, თუმცა შუა კონცერტის დროს  მომხდარი ინციდენტის გამო ყველაფერი შეიცვალა. 

The Killers-მა Black Sea Arena-ს კონცერტზე ერთ-ერთი სიმღერის შესულების დროს დარბაზში შეკრებილ მსმენელთა შორის სცენიდან ტრადიციულად მსმენელი აიყვანა, რომელსაც ბენდთან ერთად სიმღერა უნდა დაეკრა, რასაც აუდიტორიის მხრიდან უარყოფით რეაქცია მოჰყვა. საქმე ისაა, რომ მსმენელი რომელიც სცენაზე ავიდა რუსეთის მოქალაქე აღმოჩნდა. ამ ფაქტის გამო პროტესტის ნიშნად  მსმენელების გარკვეულმა ნაწილმა დარბაზი დატოვა. მსგავსი რეაქციით გაკვირვებულმა The Killers-ის ფრონტმენმა ბრენდონ ფლაუერსმა აუდიტორიას მიმართა: „ადამიანის ეროვნებას მნიშვნელობა არ აქვს და ქვეყნებს შორის არ უნდა არსებობდეს საზღვრები, ჩვენ ყველა დები და ძმები ვართ“, რასაც დამსწრე საზოგადოების გარკვეული ნაწილიდან კიდევ ერთი პროტესტი და უარყოფითი შეძახილები მოჰყვა. 

Სცენაზე განვითარებულ ინციდენტს ადგილობრივი და საერთაშორისო მედიაც გამოეხმაურა, მოგვიანებით კი The Killers-მა სოციალურ მედიაში პოსტი გამოაქვეყნა და ბოდიში მოიხადა. მათი თქმით, ეს ბენდის უცვლელი ტრადიციაა, რომელიც სცენიდან დრამერის აყვანას გულისხმობს, რათა მათთან ერთად სიმღერა შეასრულოს.  

„საქართველოს კეთილო ხალხო, არასდროს გვიფიქრია ვინმეს წყენა, ჩვენ დიდი ხანია მსგავსი ტრადიცია გვაქვს, სადაც ვიწვევთ ხალხს, რათა ჩვენთან დრამზე დაუკრან, სცენიდან აუდიტორიის პირველადი რეაქციიდან თითქოს ჩანდა, რომ ხალხი წინააღმდეგი არ იყო. ჩვენ ვაცნობიერებთ და გვესმის, რომ The Killers-ის მხრიდან ძმები და დების თქმა შესაძლოა აუდიტორიას და თაყვანისმცემლებს არასწორად გაეგოთ. არავის გაღიზიანება არ გვინდა და ბოდიშს ვიხდით, ჩვენ თქვენს გვერდით ვართ და იმედი გვაქვს მალე დავბრუნდებით.” – წერს The Killers სოციალურ მედიაში.

ამ ფაქტს ქართული ბენდი LOUDspeakers-იც გამოეხმაურა:


„ქილერსის warm up-ზე დაკვრა საამაყო გვეგონა, მაგრამ რუსის დრამზე აყვანით და მცდელობით, რომ რუსები და ქართველები ჩაეხუტებინათ, ძალიან იმედგაცრუებულები და გაბრაზებულები  ვართ. უნდა იცოდე სად ჩადიხარ! რუსეთი მტერი და ოკუპანტია!!!.”- აფიქსირებს ბენდი თავის პოზიციას.

მომხდარის შესახებ სოციალურ მედიაში Black Sea Arena-მ განცხადება გამოქვეყნა: 

 
„გვესმის ჩვენი სტუმრების ემოციების. არტისტის მოქმედება სცენაზე არ არის Black Sea Arena-ს პოზიცია. ვიაზრებთ ჩვენს წილ პასუხისმგებლობას, გულწრფელად ვიხდით ბოდიშს და გიზიარებთ არტისტის პასუხს მომხდართან დაკავშირებით. რუსეთი ოკუპანტია.”- წერს Black Sea Arena.

Share
Tweet
Share
Share
Share

წინა სტატია

სტეფანეს მორიგი ჰიტი – „ჩემზე არის ეს სიმღერა”

შემდეგი სტატია

დამიან სკოტი ნიუ-იორკში Billboard-ის ჰიპ-ჰოპისა და R&B მიმართულებას უხელმძღვანელებს

შეიძლება დაგაინტერესოთ

საქართველოს დამოუკიდებლობის დღესთან დაკავშირებით ნიუ-იორკის ჯაზ-კლუბ Nublu-ში ხონძი და მისი მეგობრები კონცერტს გამართავენ

26 მაისს, საქართველოს დამოუკიდებლობის დღესთან დაკავშირებით, ამერიკის ქალაქ ნიუ-იორკში ქართველი მუსიკოსებისა და მათი მეგობრების კონცერტი გაიმართება. ღონისძიებაზე საქსოფონისტის…
მეტი

ამერიკული Billboard 2024 წლის „ევროპაკონცერტის”, წინანდლის მამულისა და Silk Road Group-ის შესახებ ვრცელ სტატიას აქვეყნებს

„არის მომენტი, როცა შესრულების ძალას განაპირობებს არა მხოლოდ მუსიკოსი და გაჟღერებული მუსიკა, არამედ ისიც, თუ სად სრულდება ის,”- ვკითხულობთ სტატიაში.
მეტი

წინანდლის მამულში ისტორიული „ევროპაკონცერტი” გაიმართა

„ევროპაკონცერტი” ბერლინის ფილარმონიული ორკესტრის ყოველწლიური ღონისძიებაა, რომელიც 1991 წლიდან ყოველ 1-ელ მაისს ევროპის სხვადასხვა ქალაქში ტარდება. მსოფლიოს წამყვანი ორკესტრი საქართველოს პირველად ეწვია.
მეტი

პოლონეთის ევროკავშირში გაწევრიანების 20 წლის იუბილეს აღსანიშნავად თბილისში კონცერტების სერია გაიმართება

28 აპრილიდან 1-ელი მაისის ჩათვლით მსმენელის წინაშე ქართველი და პოლონელი მუსიკოსები წარდგებიან.
მეტი

Starring Georgia-ს ფარგლებში Massive Attack-ის კონცერტი გაიმართება

პირველად საქართველოში მსმენელს შესაძლებლობა ექნება, მოუსმინოს ჯგუფის ისეთი კომპოზიციების განახლებულ ვერსიებს, როგორიც არის Teardrop, Unfinished Sympathy და Paradise Circus.
მეტი