ელტონ ჯონი საავადმყოფოში მიყვანიდან ერთ დღეში გამოწერეს. მუსიკოსს 27 აგვისტოს ვილაში ფეხი დაუცურდა და მსუბუქი დაზიანებით საავადმყოფოს მიმართა. „ელტონი საფრანგეთში, ადგილობრივ საავადმყოფოს უსაფრთხოების მიზნით ეწვია. იგი მეორე დღესვე გამოწერეს, ახლა სახლშია და თავს კარგად გრძნობს.“ – განუმარტა Billboard-ს მუსიკოსის პრეს-სპიკერმა.
სერ ელტონ ჯონი წლებია კოჭლობს, გერმანიის აეროპორტში იგი ეტლითაც შენიშეს. თუმცა ელტონ ჯონმა თაყვანისმცემლებს განუმარტა, რომ ორსაათიანი შოუს შემდეგ აეროპორტში საკმაოდ დიდი მანძილი უნდა გაევლო რათა თვითმფრინავამდე მისულიყო, სწორედ ამიტომ ეტლით ისარგებლა.
მუსიკოსს ფეხის ტრავმის გამო მსოფლიო ტურნეს გადადებაც მოუწია, ექიმების თქმით იგი ოპერაციას საჭიროებდა. ელტონ ჯონმა 2018 წელს დაწყებული ტურნე Yellow Brick tour მიმდინარე წლის ივლისში დაასრულა. ტურნეს ფარგლებში მუსიკოსმა 330 შოუ გამართა, კონცერტებს ჯამში ექვსი მილიონი მსმენელი დაესწრო.
Billboard Boxscore-ის ისტორიაში ელტონ ჯონმა ყველაზე შემოსავლიანი ტურნეს სტატუსი მიიღო.
