Daft Punk პარიზის 2024 წლის ოლიმპიადის გახსნის ცერემონიაზე მონაწილეობას არ მიიღებს

მოლაპარაკებების მიუხედავად, დუეტმა შეთავაზებაზე უარი განაცხადა.
ფოტო: დევიდ ბლექი

2024 წელს მსოფლიო ოლიმპიური თამაშები პარიზში გაიმართება. სპორტული სამყაროს ერთ-ერთი მთავარი მოვლენა ყოველთვის სანახაობრივი ცერემონიით იხსნება, რომლის ფარგლებში აუდიტორიის წინაშე მასპინძელი ქვეყნის წამყვანი მუსიკოსები გამოდიან. პარიზის ოლიმპიადის ორგანიზატორების სურვილი იყო, რომ ცერემონიაზე Daft Punk გამოსულიყო, თუმცა მოლაპარაკებების მიუხედავად, დუეტმა შეთავაზებაზე უარი განაცხადა. 

როგორც ფრანგული გამოცემა – Le Parisien გამოქვეყნებულ სტატიაში იუწყება, Daft Punk-თან მოლაპარაკებები რამდენიმე თვის განმავლობაში გრძელდებოდა. სტატიაში აღნიშნულ საკითხზე კომენტარი პარიზის 2024 წლის ოლიმპიადის სამხატვრო ხელმძღვანელმა, თომას

ჯოლიმ გააკეთა. „ძალიან მოხარულები ვიქნებოდით, მათ გახსნის ცერემონიაზე რომ მიეღოთ მონაწილეობა. შეუძლებელია არ გაგვახსენდეს Daft Punk მაშინ, როცა საფრანგეთში საერთაშორისო ღონისძიების გამართვაზე ვფიქრობთ“ – აღნიშნა ჯოლიმ. 

მიუხედავად გავრცელებული ინფორმაციისა და დუეტის პერფორმანსის შესაძლებლობისა, ფაქტია, რომ Daft Punk-ს ოლიმპიური თამაშების გახსნის საზეიმო ცერემონიაზე ვერ ვიხილავთ. დუეტის ოფიციალურმა წარმომადგენელმა 25 ოქტომბერს Billboard-ს დაუზუსტა, რომ გავრცელებული ხმები ჭორები იყო და არა – ფაქტი, 

Daft Punk, როგორც მუსიკალური პროექტი 2021 წელს ოფიციალურად დასრულდა. 17 ნოემბერს დუეტი 2013 წლის ალბომის სახელწოდებით Random Access Memories საიუბილეო გამოცემას გამოუშვებს.

Daft Punk-ის საიუბილეო სერია  ინტერვიუებს  და სამუშაო პროცესის ამსახველ ჩანაწერებს აერთიანებს. სადაც შორის  არის ჯულიან კასაბლანკასთან, ნაილ როჯერსთან და ფარელ უილიამსთან ერთობლივი მუშაობის ამსახველი აუდიო მასალაც გვხვდება. 

რაც შეეხება პარიზის ოლიმპიურ თამაშებს, ის 2024 წლის 26 ივლისიდან 11 აგვისტომდე ჩატარდება.

Share
Tweet
Share
Share
Share

წინა სტატია

თიკა ბალანჩინი & New One-ის ახალი კომპოზიცია

შემდეგი სტატია

„დისკო გოგონას” ანუ რუსკა მაყაშვილის რჩეული მუსიკა

შეიძლება დაგაინტერესოთ

The Weeknd-მა ხანძრის შედეგად დაზარალებული ლოს-ანჯელესის დასახმარებლად 1 მილიონი დოლარი გაიღო

უფრო ადრე, არტისტმა ლოს-ანჯელესში დაგეგმილი მუსიკალური შოუ გააუქმა და ალბომის გამოცემა გადადო.
მეტი

რეჟისორი დევიდ ლინჩი 78 წლის ასაკში გარდაიცვალა

ლინჩის პროექტები სხვადასხვა დროს Billboard-ის ჩარტებშიც მოხვდა. მან ასევე იმუშავა მუსიკალურ ვიდეოებზე. მათ შორის არის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
მეტი

ბობ დილანი ტიკტოკს შეუერთდა

ფანების ყურადღება აპლიკაციაში მუსიკოსის დაგვიანებულმა გამოჩენამ მიიქცია - რამდენიმე დღით ადრე აშშ-ში ტიკტოკის მოსალოდნელ აკრძალვამდე.
მეტი