Duran Duran-მა ჰელოუინის თემატური ალბომი – Danse Macabre გამოსცა

ალბომი 13 ტრეკს აერთიანებს.
ფოტო: ჯონას აკერლანდი

Danse Macabre – ასე ჰქვია ბრიტანული მუსიკალური პროექტის, Duran Duran-ის ახალ ალბომს, რომელიც 13 ტრეკს აერთიანებს. ჰელოუინის თემატური ჩანაწერი მუსიკალურმა კოლექტივმა Tape Modern/BMG-თან თანამშრომლობით გამოუშვა. ალბომი Duran Duran-ის ძველი სიმღერების განახლებულ ვერსიებთან ერთად, ახალ ტრეკებსაც აერთიანებს. Danse Macabre ასევე მოიცავს ცნობილი არტისტებისა და ბენდების სიმღერების ქავერ ვერსიებს. მათ შორის არის: ბილი აილიშის Bury A Friend, The Rolling Stones-ის Paint It Black და Talking Heads-ის Psycho Killer. 

„ჩვენს თავს როკ-ენ-როლ ბენდად იმდენად ვერ აღვიქვამდით, რამდენადაც განგრძობად სახელოვნებო პროექტს“ – ასე შეაფასა ბენდის თანადამფუძნებელმა, ჯონ ტეილორმა Duran Duran. ჯონ ტეილორი შესრულების ტექნიკით ერთ-ერთ გამორჩეულ ბას გიტარისტად არის აღიარებული. 

40 წელზე მეტია, რაც ინგლისის ქალაქ ბირმინგემში ჩამოყალიბებული Duran Duran მუსიკას ქმნის და შედეგად არაერთი ცნობილი ნამუშევრის ავტორია. Danse Macabre-ის გამოცემით, ბენდის დისკოგრაფიაში მე-16 სტუდიური ალბომი ჩაიწერა. 

ბენდი New Romantic ჟანრის სცენაზე აღმოცენდა და შემდეგ ახალი ტალღის მოწინავე შემსრულებელ ჯგუფად იქცა. ვარსკვლავური შემადგენლობით და ჰიტად ქცეული მუსიკალური ვიდეოებით, Duran Duran 80-იანი წლების პირველი ნახევრის დომინანტი ბენდი იყო.  

აღსანიშნავია, რომ Duran Duran-მა ცვლილება ბევრჯერ განიცადა. თავდაპირველი პროექტი ორადაც კი გაიყო და ე.წ. მუსიკალური სპინოფები – Arcadia და Power Station ჩამოყალიბდა.

2022 წელს Duran Duran მსმენელის წინაშე London’s Hyde Park-ში წარდგა. მალევე ბენდმა გაერთიანებული სამეფოს დედოფლის პლატინის საიუბილეო ღონისძიებაზე მიიღო მონაწილეობა. ბუკინგემის სასახლეში გამართულ კონცერტს შეერთებულ შტატებში წარმატებული შოუები მოჰყვა. ასევე 2022 წელს, Duran Duran „როკ-ენ-როლის დიდების დარბაზში“ წარადგინეს.

რაც შეეხება ახალ ალბომს, ეს ბენდისათვის მეგობრობის ერთგვარი სიმბოლოც არის, რამდენადაც მასში Duran Duran-ის ყოფილ წევრებთან, ენდი ტეილორთან და უორენ კუკურულოსთან ერთობლივი ნამუშევარია შესული. Danse Macabre ასევე მოიცავს ხანგრძლივ შემოქმედებით პარტნიორთან – ნაილ როჯერსთან კოლაბორაციასაც. ალბომში მსმენელს შეხვდება ჯოშ ბლერთან, Mr. Hudson-თან და Måneskin-ის ვიქტორია დე ანჯელისთან თანამშრომლობით ჩაწერილი ტრეკებიც.  

მოუსმინეთ ალბომს – Danse Macabre: 

Share
Tweet
Share
Share
Share

წინა სტატია

ბიონსემ სუნამო, სახელწოდებით CÉ NOIR ოფიციალურად წარადგინა

შემდეგი სტატია

ტომ ლუცის ნისლის თეატრი და „გოგონა ნისლის ძრავების ქარხნიდან”

შეიძლება დაგაინტერესოთ

„მგზავრების” გზავნილი საქართველოს ნაკრებს ევროპის ჩემპიონატის სადებიუტო მატჩამდე: ნახეთ ახალი სიმღერის ვიდეოკლიპი

„ისტორიული მატჩის წინ წარმატებებს ვუსურვებთ საქართველოს! გამარჯვება საქართველოს!”
მეტი