საკულტო სერიალ Friends-ში მეთიუ პერიმ ათ სეზონში ითამაშა, რამაც იგი ჰოლივუდში ერთ-ერთ ყველაზე ცნობილ მსახიობად აქცია. Friends-ში ასევე ჯენიფერ ენისტონი, კორტნი კოქსი, მეტ ლებლანკი, ლიზა კუდროუ და დევიდ შვიმერი მონაწილეობდნენ.
სერიალი ერთ-ერთ ყველაზე დიდ სატელევიზიო ჰიტად იქცა, და პოპულარობა მალევე მოიპოვა.
Friends 1994 წლიდან 2004 წლამდე გრძელდებოდა. აღსანიშნავია, რომ მსახიობები ფინალური სეზონის თითოეულ ეპიზოდში, ერთი მილიონი დოლარის ოდენობის ჰონორარს იღებდნენ.
მეთიუ პერიმ Emmy-ს ნომინაცია Friends-ის როლის შესრულებისთვის მიიღო, კიდევ ორი ნომინაცია კი სერიალ The West Wing-ში თეთრი სახლის მრჩევლის როლისთვის მიიღო.
სერიალის მიღმა მეთიუ პერის არაერთი მნიშვნელოვანი როლი შეუსრულებია. სელმა ჰაიკთან ერთად იგი ფილმ Fools Rush In-ში და ბრიუს უილისთან ერთად კრიმინალურ კომედია The Whole Nine Yards-ში თამაშობდა.
