ბრუნო მარსმა საკუთარი გიტარა გამოუშვა

ლიმიტირებული რაოდენობის Bruno Mars Stratocaster-ის ღირებულება 2,999.99 დოლარია.
ბრუნო მარსი Fender-ის ლიმიტირებული სერიის გიტარით
Fender

ბრუნო მარსმა Fender-თან თანამშრომლობით პირველი საავტორო გიტარა გამოუშვა. ლიმიტირებული რაოდენობის Bruno Mars Stratocaster მუსიკოსის კარიერას ეძღვნება და მასში გაერთიანებულია ვინტაჟური და თანამედროვე ელემენტები. 

„მე არ მივიჩნევ ჩემს თავს გიტარისტად. მე უფრო ავტორი ვარ. ყველა სიმღერა არის ფაზლი, რომელიც უნდა ამოხსნა. კარგ გიტარას კი შეუძლია, ბოლოში გაგიყვანოს. სწორედ ეს არის, რაც ამ გიტარისგან მინდოდა,” – აღნიშნა მარსმა. „ასევე მნიშვნელოვანი იყო, რომ მოსახერხებელი ყოფილიყო როგორც ლაივში შესასრულებლად, ასევე სტუდიაში ჩასაწერად.”

ბრუნო მარსის გიტარის ღირებულება 2,999,99 დოლარს შეადგენს. ინსტრუმენტი კარამელისფერ პალიტრაშია გადაწყვეტილი. ლეოპარდის პრინტის ღვედი კი ჯიმი ჰენდრიქსსა და პრინცს ეძღვნება – მარსისთვის ორ საკულტო გიტარისტს. 

„ჩვენ გვინდოდა გამოგვეშვა გიტარა, რომელიც დაადასტურებდა Fender-ის პატივისცემას იმ არტისტების მიმართ, რომლებიც დღევანდელ მუსიკალურ დიდების დარბაზში შედიან და ამავდროულად წარმოაჩენდა ბრუნო მარსის სუპერნოვა შესაძლებლობებს,” – თქვა Fender-ის ხელმძღვანელმა. „ბრუნო ნამდვილი Fender-ის გიტარისტია ჯერ კიდევ მისი კარიერის დასაწყისიდანვე და ძალიან გვიხარია, რომ ჩვენს სიას მისი სახელობის გიტარაც შეემატა.”

საკუთარი გიტარით მარსი იმ არტისტების სიას შეუერთდა, რომლებსაც საავტორო გიტარის გამოცემის პატივი ერგოთ: ჯიმი ჰენდრიქსი, კურტ კობეინი, ხუანესი, H.E.R და სტივ ლეისი. 

ბრუნო მარსისა და Fender-ის გიტარა

გიტარის შეძენა შესაძლებელია Fender.com-ზე.

Share
Tweet
Share
Share
Share

წინა სტატია

მეგან ფოქსი Machine Gun Kelly-სთან ურთიერთობაზე გულახდილად საუბრობს

შემდეგი სტატია

ნინო კასრაძის რჩეული მუსიკა

შეიძლება დაგაინტერესოთ

50 Cent-ის თქმით, თანამედროვე რეპის შესაქმნელად მან თავისი „სულელური მხარე” უნდა გამოიყენოს

„ახლანდელ მუსიკას თუ გავითვალისწინებთ, გამოდის, რომ სისულელე უნდა გავაკეთო,” - პასუხობს რეპერი კითხვაზე, თუ რატომ აღარ ქმნის მუსიკას ისეთი სიხშირით, როგორც ადრე.
მეტი

Billboard-მა ახალი სარედაქციო მიმართულება –  Billboard Family წარადგინა

Billboard Family იქნება სივრცე მშობლებისა და შვილებისათვის და მასზე მხოლოდ საგანგებოდ გაფილტრული და შერჩეული მასალა განთავსდება. მასალა საკმაოდ მრავალფეროვანი იქნება და გააერთიანებს სიახლეებს, ჩარტებსა და ვიდეოებს.
მეტი
Aine Merme FKA Natuka Natsvlishvili ფოტო: ნინუცა კაკაბაძე

Aine Merme-ს სადებიუტო  EP

„ალბომს ორი სახელი აქვს. ერთი მის შინაარსობრივ ნაწილს პასუხობს, მეორე - ფორმას: Dreams Unseen [Guitar’s not dead]“ - Aine Merme
მეტი