მაჰერშალა ალი, ნიკოლას კეიჯი, ჯეიმი ლი კერტისი, ბრენდან ფრეიზერი, ჯესიკა ლანგი, მეთიუ მაკკონაჰი, ლუპიტა ნიონგი, ალ პაჩინო, მიშელ პფაიფერი, ჯონათან კი ქუანი, სემ როკველი, მიშელ იეო და ზენდეია 10 მარტს 2024 წლის ოსკარის დაჯილდოებას დაესწრებიან.
ჩამოთვლილთაგან ყველა მსახიობი ოსკარის მფლობელია, გარდა ორისა: მიშელ პფაიფერი, რომელიც სამჯერ იყო ნომინირებული ჯილდოზე და ზენდეია, რომელმაც ორი „ემი” მიიღო HBO-ს სერიალ Euphoria-ში შესრულებული როლისთვის.
ბრენდან ფრეიზერი გასული წლის საუკეთესო მსახიობი კაცი გახდა ფილმისთვის The Whale. მიშელ იეო კი გასული წლის საუკეთესო ქალი მსახიობი ფილმისთვის Everything Everywhere All at Once. ჯეიმი ლი კერტისმა და ჯონათან კი ქუანმა კი მეორეხარისხოვანი როლების ნომინაციები მოიგეს ფილმისთვის Everything Everywhere All at Once.
ოსკარის დაჯილდოების 96-ე ცერემონია 10 მარტს ტრადიციულ ადგილას, დოლბის თეატრში გაიმართება. ღონისძიების წამყვანი, უკვე მეოთხედ, ჯიმი კიმელი იქნება.
