Nick Cave & The Bad Seeds 2025 წლის ჩრდილოამერიკულ ტურნეს აანონსებს. ეს 2018 წლის შემდეგ მათი პირველი ტურნეა. უახლესი ალბომის, Wild God-ის მხარდასაჭერი ტურნე ბოსტონში 15 აპრილს დაიწყება და ისეთ ქალაქებს მოივლის როგორიცაა: ბრუკლინი, ჩიკაგო, ტორონტო, სან-ფრანცისკო და სხვა.
ნიკ ქეივისა და უორენ ელისის პროდიუსერობით გამოსულ ალბომში Wild God ლუის ალმაუს და Radiohead-ის ბას-გიტარისტ კოლინ გრინვუდის წვლილიცაა შესული. გრინვუდი ტურნეს განმავლობაში დიდ ბრიტანეთში და ევროპაში ბენდის ბასისტიც იყო, რადგან მარტინ კეისი ჯანმრთელობის პრობლემების გამო ტურნეში მონაწილეობას ვერ იღებდა.
ნიკ ქეივმა ალბომის შესახებ თქვა: „იმედი მაქვს, ალბომი ისეთივე გავლენას მოახდენს მსმენელზე, როგორც ეს ჩემ შემთხვევაში მოხდა. ეს საკმაოდ რთული ჩანაწერია, მაგრამ ამავე დროს ღრმა და მხიარული.“
აღსანიშნავია, რომ ბოსტონსა და ბრუკლინში სპეციალური სტუმრის სტატუსით ტურნეს ამერიკელი გრემის ჯილდოს მფლობელი მუსიკოსი St. Vincent შეუერთდება. მისი უახლესი ალბომი All Born Screaming ბილბორდ 200-ში 86-ე ადგილზეა. არტისტის 2021 წლის ალბომმა Daddy’s Home კი ბილბორდ 200-ში მე-16 ადგილი დაიკავა.
„როცა ჩანაწერზე ვმუშაობთ, არ არსებობს გენერალური გეგმა. ეს ჩანაწერი მწერლებისა და მუსიკოსების ემოციურ მდგომარეობას ასახავს. ალბომში Wild God, იგრძნობა რომ ჩვენ ბედნიერები ვართ.“ – ამბობს ალბომის შესახებ ნიკ ქეივი.
Nick Cave & The Bad Seeds-ის 2025 წლის ჩრდილოამერიკული ტურნეს ბილეთების წინასწარი გაყიდვა 10 სექტემბერს დაიწყება. დამატებითი დეტალების სანახავად კი ეწვიეთ ბმულს.
ნახეთ Nick Cave & The Bad Seeds 2025-ის ჩრდილოეთ ამერიკის ტურის თარიღები:
15 აპრილი – Agganis Arena, ბოსტონი, MA (St. Vincent-თან ერთად)
17 აპრილი – Barclays Center, ბრუკლინი, ნიუ-იორკი (St. Vincent-თან ერთად)
19 აპრილი — Masonic Temple, დეტროიტი,
21 აპრილი – The Anthem ვაშინგტონი,
23 აპრილი – Meridian Hall, ტორონტო,
24 აპრილი – Place Bell, მონრეალი,
26 აპრილი – The Met, ფილადელფია,
28 აპრილი – The Salt Shed, ჩიკაგო,
29 აპრილი – The Salt Shed, ჩიკაგო,
30 აპრილი – მილერის თეატრი, მილუოკი
2 მაისი – Palace Theatre, კოლუმბუსი, ოჰაიოს შტატი
4 მაისი – The Armory, მინეაპოლისი
5 მაისი — Kansas City Music Hall, კანზას-სიტი
7 მაისი – Mission Ballroom, დენვერი
10 მაისი – Theater of the Clouds, პორტლენდი,
11 მაისი — დედოფალ ელიზაბეტის სახელობის თეატრი, ვანკუვერი
12 მაისი – The Paramount-ის თეატრი, სიეტლი, ვაშინგტონი
14 მაისი – Bill Graham Civic Auditorium, სან ფრანცისკო
