შერის დიდი ხნის ნანატრი ოცნება 19 ოქტომბერს როკ-ენ-როლის დიდების დარბაზში შესვლით ასრულდა. ცერემონიაზე მომღერალი სიტყვით გამოვიდა და თქვა, რომ დიდების დარბაზში შესვლას 35 წელი ელოდა: „ჩემი გრძნობები როკ-ენ-როლის დიდების დარბაზის მიმართ სიყვარულსა და სიძულვილს შორისაა. ვფიქრობდი, მეტი რა უნდა გამეკეთებინა, რომ ამ ადგილის ნაწილი გავმხდარიყავი.”
„მინდა, მადლობა გადავუხადო ჩემს მფარველს დევიდ გეფენს, რადგან მან ნამდვილად დაწერა წერილი და გაუგზავნა როკ-ენ-როლის დიდების დარბაზის წარმომადგენლებს და აი, აქ ვარ. ასე რომ, მადლობა დევიდ, მადლობა, რომ ასე ძალიან ზრუნავ ჩემზე. შემიძლია ვთქვა, რომ ბედნიერი ვარ, რადგან აქ ვარ.“
შერის 60-წლიანი კარიერა მის აწ გარდაცვლილ ყოფილ მეუღლესთან, სონი ბონოსთან მუშაობით იწყება, რომელიც ფილ სპექტორის Wrecking Crew-სთან სესიებით გაგრძელდა. „არასდროს მქონია იმის პერსპექტივა, რომ საქმის გარდა რამე სხვაზე მეფიქრა. ჩემი ცხოვრებით ვცხოვრობდი, ყოველ წუთს საქმიდან საქმეზე გადავდიოდი, როდესაც პრობლემას ვაწყდებოდი და ამ გზას ვეჯახებოდი, უკან ვიხევდი, ვტრიალდებოდი და სხვა მიმართულებით მივდიოდი, რადგან არ ვაპირებდი შევჩერებას. მინდოდა, ის გამეკეთებინა, რაც მიყვარდა.” – ამბობს შერი.
„რაც შეეხება სონის და შერს, ხომ მოხვდნენ როკ-ენ-როლის დიდების დარბაზში? ვფიქრობ, ჩვენ ამას ვიმსახურებდით. ჩვენ იმ პერიოდში გულუბრყვილოები, მაგრამ ძალიან ავანგარდულები ვიყავით. სიმართლე გითხრათ, არ ველოდი, რომ შევიდოდი. უბრალოდ ვფიქრობდი, რომ არასდროს შეგვიყვანდნენ.”
ცერემონიაზე გამოსვლისას შერმა განსაკუთრებით ხაზი გაუსვა ქალთა უფლებებს და მათ მიმართა: „ერთი რამ, რაც ნამდვილად არასდროს გამიკეთებია, ეს დანებებაა. მე ვესაუბრები ქალებს, ჩვენ ყოველთვის ვიყავით წნეხის ქვეშ, თუმცა ვაგრძელებთ სწრაფვას და წინსვლას, რადგან ჩვენ განსაკუთრებულები ვართ.”
