ფესტივალი „საჩუქარი” გაიხსნა. 3 და 4 ოქტომბერს აბრეშუმის ქარხანაში ბრიტანელი რეჟისორის, დეკლან დონელანისა და კრაიოვას თეატრის ერთობლივი სპექტაკლი „ოიდიპოს მეფე” გაიმართა. მაყურებელმა სოფოკლეს ანტიკური პიესა თანამედროვე დროსა და სივრცეში იხილა. ინოვაციური იყო მსახიობებისა და აუდიტორიის ურთიერთობის მოდელიც. ტრადიციული თეატრალური განლაგებისგან განსხვავებით, სპექტაკლზე მაყურებელი და მსახიობები ერთ სივრცეს იზიარებდნენ. ფეხზე მდგომი აუდიტორია მსახიობებთან ერთად გადაადგილდებოდა და მათთან ერთად მოვლენების უშუალო მონაწილე ხდებოდა.
დეკლან დონელანი მსოფლიოში აღიარებული რეჟისორია, რომელსაც მიღებული აქვს ბრიტანეთის იმპერიისა და საფრანგეთის ღირსების ორდენები. ის არის ვენეციის ბიენალეს ოქროს ლომის, ოქროს ნიღბისა და ლორენს ოლივიეს ჯილდოს ოთხგზის მფლობელი.
ნახეთ Billboard საქართველოს ვიდეორეპორტაჟი სპექტაკლის შესახებ:
