9 თებერვალს, 2025 წლის Super Bowl-ის შოუს შემდეგ, მთავარი შემსრულებელი კენდრიკ ლამარი თავისი ალბომით GNX Billboard 200-ის ჩარტის პირველ ადგილზე ბრუნდება, აღნიშნული პოზიცია მან უკვე მეორედ დაიკავა. ამავე დროს, შოუზე მოწვეულმა სპეციალურმა სტუმარმა SZA-მ ალბომით SOS – ჩარტში მესამე ადგილიდან მეორეზე გადაინაცვლა.
ჩარტში კენდრიკ ლამარისა და SZA-ს პირველ-მეორე ადგილებზე გასვლა ისტორიული მოვლენაა, – ეს არის პირველი შემთხვევაა, როდესაც Super Bowl-ის ნახევარფინალური შოუს ორი შემსრულებელი ღონისძიების შემდეგ Billboard 200-ის ლიდერ პოზიციებს იკავებს.
Billboard 200 ჩარტში GNX და SOS ალბომების დაწინაურებას Super Bowl-ის შოუს გარდა დამატებითი ფაქტორებიც უწყობდა ხელს.
კენდრიკ ლამარის ალბომი GNX 7 თებერვალს პირველად გამოვიდა ფიზიკურ ფორმატში, რაც 2017 წლის შემდეგ არტისტისთვის ყველაზე დიდი გაყიდვების კვირეულად იქცა. SZA-ს ალბომი SOS კი 9 თებერვალს ხელახლა გამოიცა, რომელშიც დამატებით ოთხი ტრეკი შევიდა, ამ უკანასკნელმა კი ალბომის პოპულარობას კიდევ უფრო შეუწყო ხელი.
ბოლოდროინდელი Billboard 200 ჩარტი აშშ-ში 7-13 თებერვალს მიღებულ აქტივობებს ასახავს. 22 თებერვლის ჩარტი კი სრულად Billboard-ის ვებგვერდზე 19 თებერვალს გამოქვეყნდება.
კენდრიკ ლამარის ჩარტებში ლიდერ პოზიციაზე მოხვედრამდე, უკანასკნელი Super Bowl-ის ნახევარფინალური შოუს შემსრულებელი, რომელიც გამოსვლის შემდეგ Billboard 200-ის პირველ ადგილზე მოხვდა, 2018 წელს ჯასტინ ტიმბერლეიკი იყო. მისი ალბომი Man of the Woods ჩარტის სათავეში 17 თებერვალს მოხვდა. აღნიშნული ალბომი 2 თებერვალს გამოვიდა – ორი დღით ადრე, სანამ ჯასტინ ტიმბერლეიკი Super Bowl-ის ჰედლაინერი გახდებოდა.
კენდრიკ ლამარს Super Bowl-ის ნახევარფინალური შოუს დროს სცენაზე ორი სიმღერით SZA შეუერთდა: Luther (GNX) და All the Stars (2018 წლის ფილმის Black Panther-ის საუნდტრეკი).
Super Bowl-ის შოუზე არტისტების გამოსვლა კენდრიკ ლამარისა და SZA-ს ერთობლივი მასშტაბური ტურნეს Grand National Tour-ის წინასწარი წარდგენაც იყო, რომელიც 19 აპრილს, მინეაპოლისში დაიწყება. ტური აშშ-ში და კანადაში ივლისამდე გაგრძელდება, შემდეგ კი ევროპაში გადაინაცვლებს. დასკვნითი კონცერტი 9 აგვისტოს, სტოკჰოლმში გაიმართება.
