21 თებერვალს, ამერიკულმა კინოკომპანია A24-მა განაცხადა, რომ მისი პროვოკაციული ფილმი მხოლოდ ერთი საღამოსთვის IMAX კინოთეატრებში დაბრუნდება. ფილმში მონაწილეობენ: სელენა გომესი, ეშლი ბენსონი, ვანესა ჰაჯენსი და რეიჩელ კორინი.
პროექტი Wizards of Waverly Place-ის ვარსკვლავ სელენა გომესს Disney-ის არხის თინეიჯერების კერპიდან სრულფასოვან მსახიობად გარდაქმნაში დაეხმარა. პირველად ფილმი IMAX კინოთეატრებში 19 მარტს გამოვა. ბილეთები კი კომპანიის ვებგვერდზე უკვე ხელმისაწვდომია.
27 თებერვალს, მხოლოდ ერთი საღამოსთვის, დიდ ეკრანს ბერი ჯენკინის ოსკაროსანი ფილმი Moonlight-იც დაბრუნდება. ორივე ფილმის ჩვენება A24-ისა და IMAX-ის ერთობლივი ყოველთვიური სერიის ნაწილია.
იქამდე, სანამ ფილმი Spring Breakers 2013 წელს პრემიერას აღნიშნავდა, სელენა გომესი ძირითადად Disney-თან ასოცირდებოდა. კომპანია Rare Beauty-ის დამფუძნებელი ყოველთვის ღიად საუბრობდა იმაზე, რომ Spring Breakers-ში მონაწილეობა მისთვის წინ გადადგმული ნაბიჯი იყო უფრო სერიოზული როლების მისაღებად.
„მგონია, რომ ეს იყო ერთ-ერთი ის მომენტი ჩემს ცხოვრებაში, როცა მივხვდი: „აი, როგორ შეიძლება ხელოვნება შეიგრძნო, არა ისე, როგორც ამას მთელი ჩემი კარიერის განმავლობაში ვაკეთებდი. სწორედ მაშინ შემიყვარდა ეს პროცესი. ასე რომ, გულწრფელად შემიძლია ვთქვა, – ბედნიერი ვარ. მე თამამი, გამორჩეული და მნიშვნელოვანი ფილმის ნაწილი გავხდი.” – განუცხადა სელენა გომესმა IndieWire-ს 2024 წლის ტორონტოს საერთაშორისო კინოფესტივალზე, Spring Breakers-ზე საუბრისის დროს.”
2013 წლიდან სელენა გომესმა დიდი კარიერული გზა განვლო: Lose You to Love Me-ს შემსრულებელმა ბოლო ათეული წლის განმავლობაში, კინოკარიერის განვითარებასთან ერთად, დრო წარმატებული პოპ-მუსიკალური კარიერისა და მსხვილი კოსმეტიკური ბრენდის, Rare Beauty-ის შექმნას დაუთმო. ამჟამად ის Hulu-ს სერიალში Only Murders in the Building თამაშობს და ცოტა ხნის წინ დიდი აღიარება მოიპოვა ჟაკ ოდიარის ფილმში Emilia Pérez შესრულებული როლისთვის. ორივე მათგანმა სელენა გომესს სამსახიობო კატეგორიაში ოქროს გლობუსის ნომინაციები მოუტანა.
