კორძი ციურიხში, თანამედროვე ქართულ ფესტივალზე დაუკრავს

„ხიდი: ციურიხი – თბილისი” 9 აპრილს გაიხსნება და 13 აპრილს ქართველი არტისტების კონცერტით დასრულდება.
კორძი (ალექსანდრე კორძაია)

მუსიკოსი და კომპოზიტორი კორძი (ალექსანდრე კორძაია) 13 აპრილს ციურიხში, ქართული კულტურის ინტერდისციპლინურ ფესტივალზე დაუკრავს. ფესტივალზე, სახელწოდებით „ხიდი: ციურიხი – თბილისი”, კორძი სხვა ქართველ არტისტებთან ერთად წარდგება. ღონისძიების სახელწოდებაა Ending Pad, რომელიც სამი ნაწილისგან შედგება. პირველი ნაწილი Ensemble Kiosk-ს, მეორე ნაწილი – ანუშკა ჩხეიძეს, ხოლო მესამე ნაწილი კორძის დაეთმობა. კონცერტზე მუსიკოსების ახალი ნამუშევრები შესრულდება.

ტერმინი Ending Pad აღნიშნავს საბოლოო წერტილს ან გარდამავალ სივრცეს, რომელიც შესაძლოა იყოს დასასრული ან ხიდი ახალი ფაზისკენ. ის აღწერს მომენტს, როცა სრულდება ერთი ეტაპი, რომლის შემდეგაც, შესაძლოა, ახალი დაიწყოს. 

ფესტივალი „ხიდი: ციურიხი – თბილისი” 2021 წელს „ქართული კულტურის პლატფორმის” მიერ ციურიხში დაარსდა და ხელოვნების სხვადასხვა მიმართულებას აერთიანებს. მუსიკოსების გარდა, წლევანდელი ფესტივალის მონაწილეები არიან: ფოტოგრაფი გურამ წიბახაშვილი, მწერალი ივა ფეზუაშვილი, საბუნებისმეტყველო მეცნიერებათა დოქტორი ანი მარგველაშვილი, რეჟისორები: ალექსანდრე კობერიძე, დეა კულუმბეგაშვილი, ლანა ღოღობერიძე, ლუკა ბერაძე, ირინე ჟორდანია, ტატო კოტეტიშვილი, სოსო ბლიაძე.

ფესტივალი 9 აპრილს დაიწყება და 13 აპრილს ქართველი მუსიკოსების კონცერტით დასრულდება. სხვა თანამედროვე ქართულ ფილმებთან ერთად, გაიმართება ლუკა ბერაძის „ღიმილიანი საქართველოს” ჩვენებაც, რომლის მუსიკის ავტორიც ასევე ალექსანდრე კორძაიაა. 

დეტალური ინფორმაცია იხილეთ ფესტივალის ვებგვერდზე.

Share
Tweet
Share
Share
Share

წინა სტატია

ველ კილმერი 65 წლის ასაკში გარდაიცვალა

შემდეგი სტატია

The Beatles Evening Standard/Getty Images

The Beatles-ის ბიოგრაფიულ ფილმებზე ლეგენდარული ოთხეულის როლებზე მსახიობები შეირჩნენ

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი