ბერკლის მუსიკის კოლეჯის პროფესორი და Yamaha-ს ჯაზარტისტი გიორგი მიქაძე ოფიციალურად გრემის ჯილდოს ერთ-ერთი მმართველი ორგანოს, Recording Academy-ს წევრი გახდა. ამის შესახებ ინფორმაცია მუსიკოსმა სოციალურ ქსელში დაწერა.
„დიდი ამბავი! სიხარულით და დიდი პატივისცემით გიზიარებთ, რომ ოფიციალურად გავხდი გრემის ჟიურის – Recording Academy-ს წევრი!
ეს ნიშნავს, რომ უკვე მაქვს შესაძლებლობა გრემის ჯილდოზე ხმის მიცემის, მუსიკოსების მხარდაჭერის და ჩემი ჩანაწერების წარდგენის გრემიზე. წინ სრული სვლით! lets Go”. – წერს გიორგი მიქაძე სოციალურ ქსელში.
Recording Academy – მსოფლიოს ერთ-ერთი ყველაზე პრესტიჟული მუსიკალური ორგანიზაციაა, რომელიც წლებია, გრემის დაჯილდოებას მართავს. აღსანიშნავია, რომ Recording Academy-ს ჟიურის წევრები გრემის ნომინანტების და გამარჯვებულების შერჩევის პროცესში იღებენ მონაწილეობას.
