სელენა გომესმა და ბენი ბლანკომ ქორწილი 27 სექტემბერს კალიფორნიაში გადაიხადეს. პოპვარსკვლავმა და მსახიობმა იმავე დღეს ინსტაგრამზე ქორწილის ფოტო-ვიდეო ალბომი გამოაქვეყნა, სადაც ავტორად ფოტოგრაფი პეტრა კოლინსი მონიშნა.
ფოტოებში მთავარი აქცენტი სელენა გომესსა და ბენი ბლანკოზეა, კადრებში კი ასევე ჩანს ქორწილის დეტალებიც: სელენა გომესისთვის სპეციალურად შექმნილი Ralph Lauren-ის კაბა, საქორწილო თაიგული და შიდა სივრცის ატმოსფერო, სადაც ცერემონია გაიმართა.
ვიდეოში კი თბილი კადრებია ასახული, სადაც სელენა გომესი ბენი ბლანკოს ბაფთას უსწორებს და ერთმანეთს კოცნიან.
სელენა გომესმა ქორწილის დღის აღსანიშნად ინსტაგრამზე მარტივად დაწერა: „9.27.25.“ ბენი ბლანკომ კი პოსტს უპასუხა: „ჩემი მეუღლე რეალურ ცხოვრებაში“.
სელენა გომესმა ქორწილამდე წვეულება კაბო სან ლუკასში, მექსიკაში, მეგობრებთან ერთად აღნიშნა.
წყვილმა მარტში ერთობლივი ალბომი I Said I Love You First გამოსცა, ნიშნობის შესახებ კი 2024 წლის დეკემბერში გამოაცხადეს.
სელენა გომესი და ბენი ბლანკო ერთმანეთს ქორწილამდე ერთი წლის განმავლობაში ხვდებოდნენ, თუმცა მათი პროფესიული თანამშრომლობა უფრო ადრე, ჯერ კიდევ 2019 წელს დაიწყო სიმღერით I Can’t Get Enough (Tainy-სა და J Balvin-თან ერთად). 2023-ში კი სელენამ და ბენიმ სინგლ Single Soon-ზე ითანამშრომლეს.
ალბომმა I Said I Love You First ბილბორდის ალბომების ჩარტში პირველივე კვირაში მეორე ადგილი დაიკავა. მიუხედავად მეორე პოზიციისა, ეს სელენა გომესისთვის საუკეთესო მაჩვენებლი აღმოჩნდა.
ნახეთ სელენა გომესისა და ბენი ბლანკოს ქორწილის ფოტოები ინსტაგრამზე.
