საქართველო საბავშვო ევროვიზიის სიმღერის კონკურსს უკვე მეორედ თბილისში მასპინძლობს. ღონისძიებაში ევროპის 18 ქვეყნის კონკურსანტი მონაწილეობს, საქართველოს კი „რანინას“ გამარჯვებული ანიტა აბგარიანი წარადგენს.
საბავშვო ევროვიზიის ფინალური შოუ 13 დეკემბერს ოლიმპიურ ქალაქში, (ტანვარჯიშის არენა) 20:00 საათზე გაიმართება და 20 ქვეყანაში პირდაპირი ეთერით გადაიცემა.
საბავშვო ევროვიზია 2025-ზე საქართველოს წარმომადგენლისთვის ონლაინ ხმის მიცემა შესაძლებელი იქნება როგორც საქართველოდან, ასევე მსოფლიოს ნებისმიერი ქვეყნიდან.
12 დეკემბრის ღამის 12 საათიდან ხმის მიცემა jesc.tv-ზე იქნება შესაძლებელი.
საქართველო საბავშვო ევროვიზიის ისტორიაში ყველაზე წარმატებული ქვეყანაა, რომელმაც კონკურსი ოთხჯერ მოიგო. 2024 წელს გამარჯვებული ანდრია ფუტკარაძე გახდა.
13 დეკემბერს 2025 წლის საბავშვო ევორივიზიის კონკურსის პირდაპირ ტრანსლაციას საზოგადოებრივი მაუწყებლი შემოგთავაზებთ.
