კიმ კარდაშიანმა გაიხსენა, რომ 2013 წლის ივნისში, როცა პირველ შვილს, ნორს ვესტს აჩენდა, კანიე უესტი სამშობიარო ოთახში DJ-ის ფუნქციას ითავსებდა. ამის შესახებ კიმმა თავისი დის, ქლოი კარდაშიანის პოდკასტში – Khloé in Wonder Land-ში ისაუბრა. მან გაიხსენა, რომ მშობიარობის დროს უესტი დიჯეის სეტს უკრავდა და ნორსის დაბადების მომენტში Queen-ის ლეგენდარული სიმღერა – Bohemian Rhapsody ჩართო.
„მან თავიდანვე იცოდა, რა უნდოდა,“ – თქვა კიმმა. „დაბადების მომენტში Bohemian Rhapsody-ს გაჟღერება. ამაზე მე და კორტნი სულ ვლაპარაკობთ. კანიემ ზუსტად იმ მომენტში ჩართო ეს სიმღერა, როცა ნორსი დაიბადა. ეს ხომ ზუსტად მისი სტილია, არა? მე და კორტნის სიცილისგან ცრემლები მოგვდის ხოლმე, როცა ამ მომენტს ვიხსენებთ და ვხვდებით, რამდენად ნორსის ხასიათშია ეს ყველაფერი. ძალიან უცნაური ფაქტია. როცა ამ სიმღერას ვუსმენ, ემოციურად ძალიან მოქმედებს.“
Queen-ის Bohemian Rhapsody 1975 წელს გამოვიდა და Billboard Hot 100-ის ჩარტში მეორე ადგილი დაიკავა. ჰიტი აშშ-ში RIAA-ს მიერ ე.წ. ბრილიანტის სტატუსით არის სერტიფიცირებული.
ნორსი აქტიურად ავითარებს საკუთარ შემოქმედებით უნარებს, როგორც არტისტ-პროდიუსერი. ინტერვიუს მეორე ნაწილში ქლოიმ აღნიშნა, რომ Ye-სა და კიმის ურთიერთობა ნორსის მუსიკალური ინტერესების წყალობით გაუმჯობესდა.
„მე ძალიან ემპათიური ადამიანი ვარ,“ – თქვა კიმმა. „საბოლოოდ, ჩვენ ყოველთვის ოჯახი ვიქნებით. ყოველთვის ასე ვუყურებ ამ ყველაფერს, რაც არ უნდა ხდებოდეს.“
კიმ კარდაშიანის თქმით, მუსიკის პროდიუსინგი ნორსის და მისი მამის დამაკავშირებელი თემაა. „ჩვენ მაინც გვიწევს კომუნიკაცია, თუ როგორ უნდა დავიცვათ მისი ინტერესები,” – აღნიშნა კიმ კარდაშიანმა.
Ye-მ და კიმმა ოფიციალურად 2014 წელს, ნორსის დაბადებიდან ერთი წლის შემდეგ იქორწინეს. კიმმა განქორწინების განაცხადი 2021 წელს შეიტანა, პროცესი კი 2022 წლის ნოემბერში დასრულდა. ყოფილ წყვილს ოთხი შვილი ჰყავს: ნორსი, სეინტი, ჩიკაგო და ფსალმი.
ნახეთ სრული ინტერვიუ:
