ქართველმა არტისტმა, Vinda Folio-მ ახალი სიმღერა, სახელწოდებით „თუ ასე ტურფა იყავი“ გამოუშვა. კომპოზიცია ამავე სახელწოდების ცნობილი სიმღერის ალტერნატიული ქავერ-ვერსიაა.
„თუ ასე ტურფა იყავი“ ქართული მუსიკალური მემკვიდრეობის ერთ-ერთი ცნობილი ნიმუშია. სიმღერის ყველაზე გავრცელებულ და ცნობილ ვერსიას მსმენელი ჰამლეტ გონაშვილის შესრულებით იცნობს.
ახალი ქავერ-ვერსიის მუსიკა თავად Vinda Folio-ს ეკუთვნის, ხოლო მიქსინგსა და მასტერინგზე ნიკა საბანაძემ (Sabana) იმუშავა.
Vinda Folio ქართველი მუსიკოსის, გიტარისტის, პროდიუსერისა და რეჟისორის, თემო ეზუგბაიას პროექტია. 2010-იანი წლების დასაწყისიდან ის ჯგუფ Kung Fu Junkie-ს წევრი იყო. 2012 წელს მან ერეკლე დეისაძესთან ერთად დუეტი, სახელწოდებით Eko & Vinda Folio ჩამოაყალიბა, სადაც მუსიკალურ პროდიუსინგზე თავად Vinda მუშაობდა. 2015 წლიდან მან ელექტრონული მუსიკის შექმნა დაიწყო. 2021 წელს არტისტმა საავტორო კომპილაციური ალბომი გამოსცა.
