8 ივლისს, სტოკჰოლმის Tele2 Arena-ზე ელტონ ჯონის გამოსამშვიდობებელი ტურნეს ბოლო კონცერტი გაიმართა. პარალელურად შვედეთში გოტებორგში კრის მარტინის კონცერტი იმართებოდა, რა დროსაც ელტონ ჯონის სცენაზე პირდაპირი ეთერით ეკრანზე Coldplay-ს მიმართვა გადაიცა.
კრის მარტინმა მომღერალს პატივი მიაგო და გულისამაჩუყებელი სიტყვები წარმოთქვა. „ელტონ, მადლობა ყველა ჩვენგანისგან, ყველა არტისტისგან რომელიც შენ გიყვარს, ეხმარები და შთააგონებ, ჩვენ უბრალოდ ძალიან გვიყვარხარ. მადლობელი ვართ ყველაფრისთვის რაც ჩვენთვის გააკეთე, რაც AIDS ფონდისთვის გააკეთე. შენ ყოველთვის კეთილგანწყობილი იყავი ყველას მიმართ, მადლობა იმისთვის რაც ლგბტ წარმომადგენლებისთვის გააკეთე, რაც მუსიკისთვის გააკეთე, ჩვენ ძალიან გვიყვარხარ და მოგვენატრები“ – თქვა კრის მარტინმა.
Thank you for everything, Sir Elton 🚀 🩷 💫 pic.twitter.com/OOeqQhh3x8
— Coldplay (@coldplay) July 9, 2023
ელტონ ჯონის ტურნე Farewell Yellow Brick Road 2018 წლის სექტემბერში დაიწყო და მსოფლიოს გარშემო 330 კონცერტი ჩატარდა. ტურნეს შემოსავალმა 910.4 მილიონი დოლარი შეადგინა.
Goodbye Yellow Brick Road ტურნეს ფინალურ სიმღერამდე ელტონ ჯონმა აუდიტორიას მიმართა: „ყველაზე მშვენიერი კარიერული გზა გავიარე, ორმოცდათორმეტი წელი სცენაზე ხალისით ვუკრავდი. თუმცა იცით რა? მე აქ არ ვიქნებოდი და ვერ დაგელაპარაკებოდით რომ არა თქვენ. იყიდეთ დისკები, ალბომები, კასეტები და რაც მთავარია იყიდეთ კონცერტის ბილეთები. ყველაზე მეტად ცოცხალი მუსიკის შესრულება მიყვარს. ეს მე სიცოცხლისუნარიანობას მანიჭებს. თქვენ არაჩვეულებრივები იყავით. მე აღარ მექნება ტურნეები, თუმცა მომავალში შესაძლოა ერთჯერადად რამე შემოგთავაზოთ.
მინდა პატივისცემა გამოვხატო ჩემი ოჯახის მიმართ, ჩემი შვილების, ჩემი ქმრის და ყველას მიმართ. მე ამ საღამოს არ ვნანობ. მადლობა ბენდს, ტექნიკურ ჯგუფს, ძალიან მომენატრებით ბიჭებო. ვფიქრობ ბევრად მალე გნახავთ ვიდრე თქვენ გგონიათ. მიყვარხართ.“
ნახეთ ელტონ ჯონის ტურნეს Goodbye Yellow Brick Road-ს ფინალური კონცერტი აქ.
