შინეიდ ო’კონორის გარდაცვალების მიზეზი ოფიციალურად დასახელდა

შინეიდ ო’კონორი შარშან, 2023 წლის 26 ივლისს გარდაიცვალა.
David Corio/Redferns

შინეიდ ო’კონორის გარდაცვალებიდან ერთო წლის შემდეგ ტრაგიკული შემთხვევის ოფიციალური მიზეზი დასახელდა. გარდაცვალების სერტიფიკატში მითითებულია, რომ ო’კონორის გარდაცვალება ფილტვების ქრონიკულმა ობსტრუქციულმა დაავადებამ (COPD) და ასთმამ გამოიწვია. ამის შესახებ ინფორმაცია Irish Independent-მა 27 ივლისს გაავრცელა. როგორც ირკვევა, გარდაცვალების სერტიფიკატი ო’კონორის მეუღლემ, ჯონ რეინოლდსმა, 24 ივლისს ლონდონში  დაარეგისტრირა. 

შინეიდ ო’კონორი 2023 წლის 26 ივლისს, 56 წლის ასაკში გარდაიცვალა. ის ამ დროს ლონდონში, თავის სახლში იმყოფებოდა. როგორც ცნობილია, როდესაც ო’კონორი იპოვეს, ის უგონო მდგომარეობაში იყო. მეორე დღესვე პოლიციამ განაცხადა, რომ შემთხვევა საეჭვოდ არ მიაჩნდა და საქმე სასამართლო ექსპერტიზას გადასცა. სასამართლო ექსპერტიზამ კი მალევე განაცხადა, რომ არტისტი ბუნებრივი სიკვდილით გარდაიცვალა. 

ირლანდიელი მომღერალი დიდი ხნის განმავლობაში მენტალურ აშლილობებს ებრძოდა. მათ შორის იყო დეპრესია, პოსტ-ტრავმული სტრესის სინდრომი (PTSD) და სუიციდისაკენ მიდრეკილება. შინეიდ ო’კონორს სამი შვილი დარჩა.  

ო’კონორმა მუსიკალური კარიერა 80-იან წლებში დაიწყო და  სადებიუტო ალბომი The Lion and the Cobra 1987 წელს გამოსცა. თავისი მუსიკალური კარიერის განმავლობაში მომღერალმა არაერთი მსოფლიო ჰიტი გამოსცა, მათ შორის არის ისეთოი აღიარებული სიმღერები, როგორიცაა Nothing Compares 2 U. 

Share
Tweet
Share
Share
Share

წინა სტატია

ლედი გაგა მაიკლ პოლანსკიზეა დანიშნული

შემდეგი სტატია

კამალა ჰარისის მხარდამჭერებთან შეხვედრაზე მუსიკალურ პერფორმანსს Megan Thee Stallion გამართავს

შეიძლება დაგაინტერესოთ

ქარდი ბი მის წინააღმდეგ შეტანილ სარჩელს პასუხობს: „სასამართლოში შევხვდებით”

„პრობლემა ის არის, რომ ადამიანებს ახლა თავის დაძვრენა სურთ, მაგრამ გააუთოვეთ თქვენი საუკეთესო კოსტიუმები, რადგან სასამართლოში შევხვდებით!!!!”
მეტი

Super Bowl-ის მუსიკალური შოუს პროდიუსერის თქმით, ჰედლაინერზე საბოლოო გადაწყვეტილება ჯეი ზის ეკუთვნის

ბოლო დღეებია ინტერნეტში აქტიურად განიხილებოდა ის, რომ 2025 წლის Super Bowl მუსიკალურად ლილ უეინს უნდა გაეფორმებინა, რადგან მატჩი ახალ ორლეანში, უეინის მშობლიურ ქალაქში იმართება.
მეტი

დონალდ ტრამპი სოციალურ ქსელში წერს, რომ მას ტეილორ სვიფტი სძულს

სვიფტს პერსონალურად ტრამპის საწინააღმდეგო განცხადება არ გაუვრცელებია. მან თავის ფანებს არჩევნებში რეგისტრაციისაკენ მოუწოდა.
მეტი