ნიკ ქეივი 2024 წლის ავსტრალიის მუსიკალურ პრემიის ნომინანტთა შორისაა

Nick Cave & the Bad Seeds-ის ალბომი Wild God AMP-ის ნომინანტთა შორისაა, სადაც Amyl and The Sniffers-ის, Dirty Three-ის, Hiatus Kaiyote-ის და სხვა არტისტების ალბომებიც არის წარდგენილი.
Nick Cave & The Bad Seeds-ის ალბომი Wild God 30 აგვისტოს გამოვიდა. ფოტო: მეგან კალენი
Nick Cave & The Bad Seeds-ის ალბომი Wild God 30 აგვისტოს გამოვიდა. ფოტო: მეგან კალენი

2024 წლის ავსტრალიის მუსიკალური პრემიის საბოლოო სიაში 600 ალბომიდან ჟიურიმ მხოლოდ ცხრა ალბომი შეიყვანა.

ამ სიაში ვეტერანი შემსრულებელი Nick Cave & the Bad Seeds  თავისი მეთვრამეტე ალბომით, Wild God-ით არის წარდგენილი. ნიკ ქეივს ავსტრალიის მუსიკალური პრემიის ორი ათწლეულის განმავლობაში ოთხჯერ აქვს ნომინაცია მიღებული:  2016 წელს – მე-16 სტუდიური ალბომისთვის Skeleton Tree,  2019 წელს – Ghosteen-ისთვის და 2021 წელს უორენ ელიზისა და ნიქ ქეივის კოლაბორაციული ნამუშევრისთვის – Carnage.

ავსტრალიურმა პანკ-ჯგუფმა Amyl and The Sniffers, მესამე ალბომით Cartoon Darkness მუსიკალური პრემიის ნომინანტთა შორის კიდევ ერთხელ დაიკავა ადგილი. მუსიკალური კარიერის განმავლობაში ეს მათი მესამე ნომინაციაა.  პრემიაზე ასევე ნომინირებულია მელბურნის ნეო-სოულ კვარტეტი Hiatus Kaiyote, ალბომისთვის Love Heart Cheat Code. 2021 წლის ალბომ Mood Valiant-ის შემდეგ ეს მათი მეორე ნომინაციაა.

ავსტრალიური მუსიკალური პრემიის ნომინაციაში პირველად მოხვდნენ არტისტები: გრეის კუმინგსი, ალბომით Ramona და როუენა უაიზი ალბომით Senseless Acts of Beauty. 

წლევანდელ შორთ ლისტში ARIA-ს ჯილდოზე წარდგენილია Dobby-ს ალბომი Warrangu; River Story, რომელიც საუკეთესო მსოფლიო მუსიკის ალბომების კატეგორიაში გამარჯვების პრეტენდენტია და ასევე ოდრი პაუნის ალბომი From the Fire, რომელიც საუკეთესო ჯაზ ალბომების კატეგორიაშია ნომინირებული.

მუსიკალური პრემიის დამფუძნებლისა და  დირექტორის სკოტ მერფის ხელმძღვანელობით, ავსტრალიის მუსიკალური პრემიის წინა გამარჯვებულებს შორის არიან: სამპა დე გრეითი, დი ავალანჩესი, კორტნი ბარნეტი, გურუმული, კინგ სტინგრეი და  RVG.

“ავსტრალიის მუსიკალური პრემიის (AMP-ის), SoundMerch-ის, ჩვენი ინდუსტრიის პარტნიორების და მთლიანად ავსტრალიის მუსიკალური ინდუსტრიის სახელით, გულწრფელად მინდა მადლობა გადავუხადო ჩვენს ჟიურის წევრებს, მათი ენთუზიაზმისთვის. ნამდვილად არ არის მარტივი 600-ზე მეტი ალბომის განხილვა და აქედან მხოლოდ 9 ალბომის ამორჩევა.” – განაცხადა სკოტ მერფიმ.

გამარჯვებული ალბომი APRA AMCOS-ში 4 დეკემბერს, გამოვლინდება. მთავარი სპონსორის, SoundMerch-ის მხარდაჭერით გამარჯვებული არტისტი ფულად პრემიას –  50,000 ავსტრალიურ დოლარს  მიიღებს.

“მადლობას ვუხდით ყველას მხარდაჭერისთვის. ჩვენთვის დიდი მნიშვნელობა აქვს AMP-ის მიერ აღიარებას,” – განაცხადა Nick Cave & the Bad Seeds-მა.

ავსტრალიის მუსიკალური პრემიის ნომინაციას Amyl and The Sniffers-ის წევრი დეკ მერტენსიც გამოეხმაურა: “მადლობელი ვართ, რომ ამ პრემიის შორთ ლისტში ჩვენც დავსახელდით, ავსტრალიური მუსიკა ჩვენთვის ძალიან ძვირფასია, ვამაყობთ, რომ მის შექმნაში ჩვენც მიგვიძღვის წვლილი.”

ნახეთ 2024 წლის ავსტრალიის მუსიკალური პრემიის – AMP-ის ნომინირებულები:

ოდრი პოუნი –  From the Fire

Amyl and The Sniffers – Cartoon Darkness

Dobby – Warrangu; River Story

გრეის კამინგსი –  Ramona

Hiatus Kaiyote – Love Heart Cheat Code

Kankawa Nagarra – Wirlmarni

Nick Cave & the Bad Seeds – Wild God

როუენა ვაიზი – Senseless Acts of Beauty

Dirty Three – Love Changes Everything

Share
Tweet
Share
Share
Share

Leave a Reply

წინა სტატია

პაპუნა შარიქაძე

ქართველი ჯაზ პიანისტის, კომპოზიტორისა და მომღერლის, პაპუნა შარიქაძის სადებიუტო კონცერტი ნიუ იორკში

შემდეგი სტატია

14 წლის ჟურნალისტთან ტაისონის ცნობილ ინტერვიუს 50 Cent გამოეხმაურა და აღნიშნა, რომ სპორტსმენი ბავშვებს აშინებს

შეიძლება დაგაინტერესოთ

ფილ კოლინზი სცენაზე სიტყვით გამოდის 2026 წლის როკ-ენ-როლის დიდების დარბაზის ცერემონიაზე, 14 ნოემბერი, ლოს-ანჯელესი, Peacock Theater.

ფილ კოლინზმა როკ-ენ-როლის დიდების დარბაზში შეკრებილ პუბლიკას მიმართა: „ჩემზე ჯერ ყველაფერი არ გსმენიათ“

14 ნოემბერს ფილ კოლინზი როკ-ენ-როლის დიდების დარბაზში სოლო არტისტის სტატუსით წარადგინეს. სამადლობელი სიტყვით გამოსვლისას კი მუსიკოსმა აღნიშნა, რომ…
მეტი

2027 წლის გრემის ნომინაციების საბოლოო პროგნოზი: წლის ჩანაწერი და წლის სიმღერა

რეკორდული წარმატების მქონე ჰიტს ორივე ჯილდოს მოპოვება შეუძლია, თუ მის უზარმაზარ პოპულარობას საპასუხოდ კრიტიკის ტალღა არ მოჰყვა.
მეტი
ნოელ და ლიამ გალაგერები ფილმის - Oasis: Don’t Look Back in Anger-ის პრემიერა, ვენეციის 83-ე საერთაშორისო კინოფესტივალი, 2026 წლის 5 სექტემბერი, ვენეცია Earl Gibson III/Deadline

როგორც ჩანს, Oasis როკ-ენ-როლის დიდების დარბაზში შეყვანის ცერემონიას არ დაესწრება

ნოელ გალაგერს ლონდონში კონცერტი აქვს დაგეგმილი, ლიამ გალაგერის თქმით კი, საშობაო პერიოდთან სიახლოვის გამო მოგზაურობა არ სურს.
მეტი

დაჯილდოების ცერემონიაზე როსალია ესპანეთში მომხდარ სარკინიგზო ავარიას გამოეხმაურა

„სამძიმარს ვუცხადებ ყველა იმ ადამიანს, ვინც ჩემს ქვეყანაში ცოტა ხნის წინ მომხდარი უბედური შემთხვევის შედეგად დაზარალდა,” – განაცხადა მომღერალმა.
მეტი
Naré - BOO! - საბავშვო ევროვიზია 2026 -ის გამარჯვებული

საბავშვო ევროვიზიის გამარჯვებული სომხეთი გახდა

სომხეთის წარმომადგენელმა Naré-მ საბავშვო ევროვიზია 2026 სიმღერით - BOO! მოიგო, საქართველოს წარმომადგენელი დავით ლომიძე კი მეხუთე ადგილზე გავიდა.
მეტი