როგორც ჩანს, არიანა გრანდე „მიზიდულობის კანონს“ კარგად იცნობს. 2011 წელს გამოქვეყნებულ ტვიტში და მის სიმღერაში Just Like Magic არიანა გრანდემ Wicked-ში გლინდას როლის განსახიერება იწინასწარმეტყველა.
7 იანვარს, სანამ გრანდეს პრესტიჟული ამერიკული კინოორგანიზაციის ეროვნული მიმოხილვის საბჭოს ყოველწლიური დაჯილდოების გალა ცერემონიაზე დააჯილდოებდნენ, მან გამოცემა Entertainment Tonight-თან ინტერვიუში ისაუბრა. ჟურნალისტმა აღნიშნა, რომ მისი ვარდისფერი კაბა და თმის ვარცხნილობა ძალიან ჰგავდა ოდრი ჰეპბერნის სტილს.
„მიყვარს 50-60-იანი წლების გლამური, ეს უბრალოდ ჩემი საყვარელი სტილია. მიყვარს მერილინ მონრო, ოდრი ჰეპბერნი, ისინი ჩემი ფავორიტები არიან,“ — უპასუხა გრანდემ. როდესაც მას ჰკითხეს, ცდილობს თუ არა, რომ ლეგენდარული ოდრი ჰეპბერნის გმირის იმიჯის მორგებას ფილმიდან „საუზმე ტიფანისთან“, მომღერალმა გაკვირვებით უპასუხა – „დიახ, მერე? ვფიქრობ ეს აუცილებლად იდეალურად უნდა გაკეთდეს,“ — აღნიშნა გრანდემ ბიოგრაფიულ ფილმზე საუბრისას, შემდეგ კი ჟურნალისტს მადლობა გადაუხადა, რომ იგი ოდრი ჰეპბერნს შეადარეს.
მიუხედავად იმისა, რომ ბიოგრაფიულ ფილმთან დაკავშირებით ჭორები წლების განმავლობაში ვრცელდებოდა, პროექტში მნიშვნელოვანი წინსვლა ჯერ არ იგრძნობა. ბოლო ინფორმაციით, რეჟისორ ლუკა გუადანინოს რეჟისორობით ოდრი ჰეპბერნის როლზე რუნი მარა განიხილებოდა, თუმცა წელს მსახიობმა განაცხადა, რომ რეჟისორი პროექტის ნაწილი აღარ არის. აღსანიშნავია, რომ ოდრი ჰეპბერნთან მსგავსების გამო როლზე მსახიობი ლილი კოლინსიც მოიაზრებოდა.
