სერიალ Twin Peaks-ის, ასევე ფილმების: Mulholland Drive-ისა და Blue Velvet-ის შემქმნელი ცნობილი რეჟისორი დევიდ ლინჩი 78 წლის ასაკში გარდაიცვალა.
ლინჩის ოჯახმა მისი გარდაცვალების შესახებ ინფორმაცია 16 იანვარს, Facebook-ის პოსტით გაავრცელა. „ღრმა მწუხარებით ვაცხადებთ, რომ გარდაიცვალა დევიდ ლინჩი“ – ნათქვამია განცხადებაში, რომელიც თან ახლავს ხელოვანის ფოტოს. „ამ მომენტში ჩვენთვის პირადი სივრცის დაცვა სასურველია. ახლა, როცა ის ჩვენთან აღარ არის, სამყაროში დიდი სიცარიელეა. მაგრამ, როგორც ის იტყოდა, „თვალი მუდამ დონატისკენ უნდა მიაპყრო და არა ხვრელისაკენ.“
რეჟისორის გარდაცვალების მიზეზი არ დასახელებულა. იხილეთ პოსტი.
ლინჩის გარდაიცვალა ხუთი თვის შემდეგ იმ შემთხვევიდან, როცა განაცხადა, რომ ემფიზემის დიაგნოზის შემდეგ COVID-19-ის ინფიცირების შიშით სახლიდან არ გადიოდა. ლინჩმა ასევე აღნიშნა, რომ ფილმის გადაღებას აღარ გეგმავდა.
ლინჩი 1946 წელს მონტანაში, მისულაში დაიბადა. წარსულში მხატვარი იყო და პენსილვანიის სამხატვრო აკადემიაში სწავლობდა, სანამ ფილმების გადაღებაზე გადაერთვებოდა. მისი პირველი წარმატება 1977 წლის Eraserhead-ით დაიწყო. ლინჩის მრავალი გამორჩეული ფილმიდან აღსანიშნავია 2001 წლის Mulholland Drive, რომელშიც ჯასტინ ტეროუ, ნაომი უოტსი და ლორა ჰარინგი მონაწილეობდნენ. დევიდ ლინჩის ფილმოგრაფიიდან ასევე გამორჩეულია 1986 წლის Blue Velvet, რომელშიც კაილ მაკლაქლენი, იზაბელა როსელინი, დენის ჰოპერი და ლორა დერნი თამაშობენ.
სატელევიზიო ინდუსტრიაში ლინჩი ცნობილია, როგორც მისტიკური დრამის სერიალ Twin Peaks-ის შემოქმედი. მაყურებელმა 1990-1991 წლებში სერიალის ორი სეზონი იხილა, 2017 წელს კი Twin Peaks მესამე სეზონით დაბრუნდა. სერიალმა სამი ოქროს გლობუსი და ორი ემის ჯილდო მოიპოვა. 1991 წელს Twin Peaks-ის თემატური მუსიკისთვის გრემის ჯილდო ანჯელო ბადალამენტის გადაეცა.
ლინჩის პროექტები Billboard-ის ჩარტებშიც მოხვდა. Twin Peaks: Music From The Second Season And More 2019 წლის 27 აპრილის საუნდტრეკების ჩარტში მე-17 ადგილზე გავიდა. იმავე კვირას, ის Top Album Sales-ის ჩარტში 68-ე ადგილს იკავებდა. მისი მესამე სტუდიური ალბომი The Big Dream 2013 წელს დამოუკიდებელი ალბომების ჩარტში მე-40 ადგილს და Top Current Album Sales-ში 167-ე ადგილს იკავებდა.
ლინჩის სარეჟისორო ნამუშევრებს შორის არის მუსიკალური ვიდეოებიც. მათ შორის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
