სოციალურ ქსელში ახალი მუსიკალური ვიდეო გამოჩნდა. კლიპში სიმღერას „ჩიტი ჩიორა” ბენდთან ერთად ელენე მაყაშვილი, თეკლე მაყაშვილი და თაკო კიკაბიძე ასრულებენ. ბენდის შემადგენლობაში არიან: სოსო ცაგარეიშვილი (დრამი), გიგი ცინცაძე (გიტარა), ლუკა ქიტიაშვილი (ბასი) და დათო კაკულია (კლავიში). ვიდეოკლიპი ლაშა ჩაგელიშვილს ეკუთვნის.
გიორგი ჩაგელიშვილი – პროდიუსერი:
„სიმღერა რეალურად პროექტის ნაწილია, რომელზე მუშაობაც 2024 წლის ბოლოს დავიწყეთ. ეს უნდა ყოფილიყო იუთუბ პროექტი, რომლის ფარგლებშიც აღნიშნულ ბენდთან ერთად ჩაიწერებოდა სხვადასხვა ვოკალისტის სესიები, რომლებიც ძველი სიმღერების ახლებურ ქავერებს შეასრულებდნენ. თუმცა ქვეყანაში მიმდინარე მოვლენების გამო, მხოლოდ ამ ერთი ვიდეოს გადაღება მოვასწარით და პროექტის გაგრძელება ვეღარ მოხერხდა.
რაც შეეხება აღნიშნულ კომპოზიციას, ეს არის ბადრი ტერელაძის ძველი სიმღერა „ჩიტი ჩიორა”, რომელსაც თავის დროზე ჯაზ-როკ ანსამბლი „ალიონი” ასრულებდა. ჩვენს ვერსიაში მას ელენე მაყაშვილი, თეკლე მაყაშვილი და თაკო კიკაბიძე მღერიან. ეს ტრიო უკვე წლებია, ერთად ასრულებს ქართულ სიმღერებს და გამოცემული აქვთ ალბომიც. ვიცოდით, რომ ეს სიმღერა უყვარდათ, ამიტომაც, სწორედ მათ ვთხოვეთ მისი შესრულება.”
ნახეთ ვიდეოკლიპი:
