სანამ მსოფლიო დოლი პარტონის გარდაცვალებას გლოვობს, პრეზიდენტმა დონალდ ტრამპმა განაცხადა, რომ ქანთრი ვარსკვლავის პატივსაცემის ნიშნად მთელი ქვეყნის მასშტაბით აშშ-ში დროშები საღამოს 6 საათიდან ნახევრად დაეშვება.
დონალდ ტრამპმა Truth Social-ზე გამოქვეყნებულ პოსტში განაცხადა:
უდიდესი მწუხარებით ვიუწყები, რომ დოლი პარტონი, ერთ-ერთი უდიდესი ქანთრი მომღერალი და დიდი ადამიანი, რომელიც კი ოდესმე გვყოლია, ახლახანს გარდაიცვალა. ეს მილიონობით ადამიანისთვის უდიდესი დანაკლისია. ის იყო განუმეორებელი და გამორჩეული ადამიანი, მისი ხსოვნისაადმი პატივსცემის ნიშნად, დღეს საღამოს 6 საათიდან ერთი კვირის განმავლობაში, ამერიკის დროშა მთელ შეერთებულ შტატებში ნახევრად დაეშვება. მშვიდად განისვენე, დოლი! მსოფლიოს უყვარხარ.” – პრეზიდენტი დონალდ ტრამპი.
ტენესის შტატში დაბადებული დოლი პარტონი 25 აგვისტოს ნეშვილში, 80 წლის ასაკში გარდაიცვალა. მისი გარდაცვალების შესახებ ინფორმაცია თავდაპირველად სოციალურ ქსელში გავრცელებულ ვიდეოში პარტონის ძმისშვილმა და უსაფრთხოების სამსახურის უფროსმა, ბრაიან სივერმა გაავრცელა.
კარიერის განმავლობაში დოლი პარტონი ხშირად ერიდებოდა პოლიტიკურ საკითხებში ჩარევას. 2021 წელს, გადაცემა Today-ისთვის მიცემულ ინტერვიუში, მან გაამხილა, რომ დონალდ ტრამპის პრეზიდენტობის პერიოდში ორჯერ შესთავაზეს აშშ-ის უმაღლესი სამოქალაქო ჯილდო – პრეზიდენტის თავისუფლების მედალი, თუმცა ორივე შემთხვევაში ჯილდოს მიღებაზე უარი განაცხადა.
„ჯილდოს მიღება ვერ შევძელი, რადგან ჩემი მეუღლე ავად იყო. შემდეგ კიდევ ერთხელ შემომთავაზეს, მაგრამ COVID-ის გამო მგზავრობისგან თავი შევიკავე“, – აღნიშნა მაშინ დოლი პარტონმა Today-სთან საუბრისას. მან ასევე დასძინა, რომ იმ პერიოდში პრეზიდენტ ჯო ბაიდენისგანაც ჰქონდა მიღებული შეთავაზება ჯილდოს მიღებასთან დაკავშირებით.
„ახლა კი ვგრძნობ, რომ თუ მას მივიღებდი, ეს პოლიტიკური ნაბიჯი იქნება, ასე რომ, დარწმუნებული არ ვარ“. – განაცხადა პარტონმა.
დოლი პარტონმა თავისი ცხოვრება და კარიერა მსოფლიოს უკეთესობისკენ შეცვლას მიუძღვნა და ამისთვის უამრავი მიმართულებით მუშაობდა: დაწყებული მისი თემატური გასართობი პარკით, Dollywood-ით, დასრულებული Imagination Library-თ, რომლის დახმარებითაც მილიონობით ბავშვს წიგნები მიეწოდება, რაც ბავშვებში წიგნიერების ამაღლებას უწყობდა ხელს.
1988 წელს მან ფონდი – Dollywood Foundation დააარსა, ხოლო 2000 წელს, ტენესის შტატის სევიერის ოლქში, სადაც თავად გაიზარდა, კოლეჯში სწავლის მსურველი ახალგაზრდების მხარდასაჭერად Dolly Parton Scholarship შექმნა.
პარტონი ასევე ეხმარებოდა აღმოსავლეთ ტენესის მოსახლეობას დამანგრეველი ტყის ხანძრების შემდეგ და 2017 წელს ვანდერბილტის უნივერსიტეტის სამედიცინო ცენტრის მონრო კარელ უმცროსის ბავშვთა საავადმყოფოს მილიონი დოლარი შესწირა.
როგორც მომღერალი, არტისტი, სიმღერების ავტორი, მსახიობი, მწერალი, ბიზნესმენი და ქველმოქმედი – დოლი პარტონი მრავალმხრივი მიმართულებით მოღვაწეობდა, რასაც არაერთი მნიშვნელოვანი ჯილდო და აღიარება მოჰყვა. ის ქანთრი მუსიკის დიდების დარბაზისა და როკ-ენ-როლის დიდების დარბაზის წევრი იყო. Billboard-ის Hot Country Songs ჩარტში მისი ოცდახუთი პირველადგილოსანი ჰიტი მოხვდა, ხოლო 55 ნომინაციიდან 10 გრემის ჯილდო მოიპოვა.
25 აგვისტოს, დოლი პარტონის გარდაცვალებასთან დაკავშირებით გავრცელებულ ოფიციალურ განცხადებაში ნათქვამია:
„დოლიმ თავისი ცხოვრება ისე გაანათა, რომ მისი ბრწყინვალება მთელმა მსოფლიომ დაინახა. ის სამუდამოდ დარჩება შთაგონების წყაროდ, არა მხოლოდ თავისი მარადიული მუსიკითა და ნაყოფიერი შემოქმედებით, არამედ იუმორით, სითბოთი და სიკეთითაც, რამაც თითოეულ ჩვენგანს თავი მის ოჯახის წევრად გვაგრძნობინა.
დოლი პარტონის მემკვიდრეობა სიყვარულის, თანაგრძნობისა და სიმტკიცის სიმბოლოა.
70 წლიანი კარიერის განმავლობაში მან არტისტებისა და თაყვანისმცემლების მრავალი თაობა აღაფრთოვანა თავისი მუსიკითა და ურყევი მისწრაფებით, უკეთესობისკენ შეეცვალა სამყარო. მისი სიმღერები ყველა ასაკის ადამიანისთვის კვლავაც აქტუალური და საყვარელია, ხოლო მისი საქველმოქმედო საქმიანობა მომავალშიც ხანგრძლივ გავლენას იქონიებს.“
