2023 წლის საახალწლო ღონისძიებაზე მაილი სიარუსთან ერთად, NBC-ის სპეციალურ, ყოველწლიურ საახალწლო წვეულებაზე, რამდენიმე სტუმარიც დაუკრავს.
მომღერალმა ჯიმი ფელონის The Tonight Show-ში ღონისძიების შესახებ ისაუბრა და აღნიშნა, რომ დღესასწაულს Sia, Latto და Rae Sremmurd შეუერთდებიან.
“წვეულებაზე ჩემი ერთ-ერთი საყვარელი არტისტი Sia შემოგვიერთდება, ასევე შოუზე იმღერებს Latto და ჩემი მეგობრებიც – ცნობილი, ჰიპ-ჰოპ დუეტი – Rae Sremmurd.“ – თქვა მაილი სიარუსმა.
მაილი სიარუსის საახალწლო წვეულება ოცდათერთმეტ დეკემბერს NBC-ის პირდაპირ ეთერში გადაიცემა.
“ნელ-ნელა ახლოვდება ჩვენი შოუ, სადაც მაყურებელს მრავალი სიურპრიზი ელოდება, ძალიან მომწონს შოუს მუსიკოსების მთელი შემადგენლობა.“ – განმარტა მომღერალმა.
ნახეთ მაილი სიარუსი The Tonight Show-ში:
