ლედი გაგამ ინსტაგრამზე ოსკარის მეოთხე ნომინაცია აღნიშნა. ნომინაციაში საუკეთესო სიმღერა ფილმისთვის წარდგენილია Hold My Hand კინოფილმიდან Top Gun: Maverick. Სიმღერა ლედი გაგასა და BloodPop-ის თანაავტორობით შეიქმნა.
„დიდი მადლობა აკადემიას ოსკარზე ჩემი სიმღერის წარდგენისთვის. Top Gun: Maverick-სთვის ამ სიმღერის დაწერა ძალიან დიდი გამოცდილება იყო, რომელიც არასდროს დამავიწყდება. მადლობელი ვარ მუსიკისა და კინოს მაგიისთვის.”
ლედი გაგა ამ ნომინაციაში უკვე მესამედ დასახელდა. 2018 წელს კი სიმღერისთვის Shallow (კინოფილმიდან A Star Is Born) მან ოსკარი დაიმსახურა. ამავე ფილმისთვის გაგა საუკეთესო მსახიობი ქალის ნომინაციაშიც წარადგინეს.
ლედი გაგას წარმატება მისმა მეგობარმა, ტონი ბენეტმა ტვიტერზე მიულოცა: „ვულოცავ საოცრად ნიჭიერ ლედი გაგას ოსკარის მეოთხე ნომინაციას! ვამაყობ შენით!”
Საუკეთესო სიმღერის ნომინაცია ერთ-ერთია იმ ექვსიდან, რომლებშიც Top Gun: Maverick წარადგინეს. Მათ შორისაა ნომინაცია საუკეთესო ფილმი. ხმების მიხედვით მან 1986 წელს გადაღებულ ორიგინალ Top Gun-საც კი გაუსწრო.
ნახეთ ლედი გაგას პოსტი:
