ამერიკელი მომღერალი მერაია ქერი და რეპერი ლატო ერთობლივი კომპოზიციის Big Energy რემიქს ვერსიას ავრცელებენ, რომელშიც ასევე ამერიკელი არტისტი, დიჯეი ქალიდი მონაწილეობს.
ტრეკის გავრცელებიდან რამდენიმე საათში ლატომ ქერის ტვიტერის საშუალებით დაბადების დღე მიულოცა:
მერაიამ კი უპასუხა:
So excited for this moment dahhhhllling!!!!! So happy and proud of you and all you’re accomplishing!!! ❤️ ❤️ But I don’t have BIRTHDAYS! “It’s my anniversary!!!” 😂 Congratulations Beautiful 🤩🔥🎰x🦋 https://t.co/I8D83ECw0u
— Mariah Carey (@MariahCarey) March 28, 2022
აღსანიშნავია, რომ 16 ივნისს 53 წლის ქერის სონგრაითერების დიდების დარბაზში შეიყვანენ.
Big Energy ლატოს ალბომში “777” შედის, რომელიც გასული წლის სექტემბერში ჩაეშვა გაყიდვაში. მასში ამერიკული ნიუ ვეივ ბენდის Tom Tom Club კომპოზიცია Genius of Love არის გასემპლილი. ტრეკი ბილბორდის ცხელ ასეულში მე-11 პოზიციაზე გავიდა.
ალისა სტივენსი, იგივე Latto, საზოგადოებამ 2016 წელს შოუს The Rap Game პირველ სეზონში გამარჯვებით გაიცნო. განსაკუთრებული წარმატება მას პლატინის სტატუსის მქონე კომპოზიციებმა Bitch from da Souf და Muwop მოუტანა. კარიერის განმავლობაში ლატოს ორი სტუდიური ალბომი აქვს გამოშვებული. აღსანიშნავია, რომ არტისტი თავდაპირველად ფსევდონიმით Mulatto მოღვაწეობდა, თუმცა, სახელის კონტროვერსიულობის გამო 2021 წელს მისი შეცვლა მოუხდა.
