მოუსმინეთ: Japanese Breakfast-მა Bon Iver-ის Skinny Love დააქავერა

ფოტო: Peter Ash Lee

ამერიკელი მუსიკოსი, მიშელ ზაუნერი, ექსპერიმენტული პოპ პროექტით Japanese Breakfast, ინდი ფოლკ ჯგუფის Bon Iver სიმღერის Skinny Love ქავერ ვერსიას ავრცელებს. ნამუშევარი სერიის Spotify Singles ფარგლებში ჩაიწერა. კომპოზიცია ზაუნერის განახლებული სინგლის ბი-საიდზეა წარმოდგენილი.

მუსიკალურმა პლატფორმამ Spotify თავის პროექტში მონაწილეობის მისაღებად წლევანდელ გრემიზე ახალბედა არტისტის ნომინაციაში წარდგენილი შემსრულებლები მიიწვია, რომლებსაც წარსულში ამავე კატეგორიაში დასახელებული მუსიკოსების ნამუშევრების ალტერნატიული ვერსიების შექმნა დაევალათ. აღსანიშნავია, რომ “ბონ ივერმა” 2012 წელს ხსენებული ნომინაცია მოიგო.

“ბონ ივერის” Skinny Love იმიტომ შევარჩიეთ, რომ ვიფიქრეთ, Japanese Breakfast-ის მხრიდან ამ სიმღერის შესრულება მოულოდნელი იქნებოდა. ძალიან გულისამაჩუყებელია. ტრეკს რამდენიმე საინტერესო ინსტრუმენტის ჟღერადობა დავამატეთ”, – ნათქვამია Japanese Breakfast-ის განცხადებაში.

Japanese Breakfast ამერიკის ხმის ჩამწერმა აკადემიამ ასევე საუკეთესო ალტერნატიული მუსიკის ალბომის კატეგორიაში ნამუშევრით Jubilee წარადგინა.

აღსანიშნავია, რომ მიშელ ზაუნერმა გასულ წელს წიგნი Crying in H Mart: A Memoir გამოსცა, რომელიც New York Times-ის ბესტსელერი გახდა. მასში არტისტი დედამისის შესახებ მოგვითხრობს, რომელიც კიბოს ებრძვის.

მიშელ ზაუნერმა პროექტით Japanese Breakfast მოღვაწეობა 2013 წელს დაიწყო. სადებიუტო სტუდიური ალბომი Psychopomp კი 2016 წელს გამოუშვა. მისი შემოქმედება ინდი პოპსა და ექსპერიმენტულ პოპს აერთიანებს. მუსიკოსს ამ დრომდე სამი ჩანაწერი აქვს გავრცელებული. 

Share
Tweet
Share
Share
Share

წინა სტატია

ნახეთ: Machine Gun Kelly და blackbear კლიპს make up sex ავრცელებენ

შემდეგი სტატია

მოუსმინეთ: Red Hot Chili Peppers ახალ ალბომს Unlimited Love ავრცელებს

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი