მაილი საირუსი ლაივ ალბომის Attention: Miley Live დელუქს ვერსიას გამოუშვებს

ფოტო: Mauricio Santana/GI

ამერიკელი პოპვარსკვლავი, მაილი საირუსი ლაივ ალბომის Attention: Miley Live დელუქს ვერსიას გამოუშვებს. მასში ექვსი ახალი კომპოზიცია იქნება წარმოდგენილი: WTF Do I Know, Boys Don’t Cry ანიტას მონაწილეობით, You, Nothing Breaks Like a Heart, Angels Like You და 2008 წლის სინგლი Fly on the Wall.

ნამუშევრის თავდაპირველი ვერსია მომღერალმა 1 აპრილს გაავრცელა. მასში შესულ ჩანაწერებს შორისაა: Party in the U.S.A., See You Again, We Can’t Stop-ისა და ჯგუფის Pixies სიმღერის Where Is My Mind? მიქსი, Midnight Sky, ასევე, Blondie-ს ტრეკის Heart of Glass ქავერი და Dooo It! მეხუთე სტუდიური ალბომიდან Miley Cyrus & Her Dead Petz. ეს კომპოზიციები მაილის კონცერტზეა ჩაწერილი, რომელიც Bud Light Super Bowl Music Fest-ის ფარგლებში ჩატარდა. რაც შეეხება დელუქს გამოცემისთვის დამატებული ნამუშევრების ლაივ ვერსიებს, ისინი Lollapalooza Brazil-ის სცენაზე გამოსვლიდანაა ამოღებული.

მაილი საირუსმა სახელი ბავშვობაში დისნეის სერიალ “ჰანა მონტანაში” მონაწილეობით გაითქვა. თუმცა, ზრდასრულ ასაკში სამსახიობო კარიერას მუსიკალური მოღვაწეობა არჩია. მისი დისკოგრაფია 7 სტუდიურ ალბომს ითვლის, რომელთაგან ხუთი Billboard 200-ის საუკეთესო ხუთეულში მოხვდა. მაილი ერთადერთი ქალი მომღერალია, რომელმაც 21-ე საუკუნეში მსგავს წარმატებას მიაღწია. შემსრულებელი ძირითადად პოპ მუსიკას ქმნის, თუმცა ბოლო პერიოდში როკ კომპოზიციებსაც ხშირად ასრულებს. კარიერის განმავლობაში არტისტს 23 მილიონზე მეტი ალბომი აქვს გაყიდული.

Share
Tweet
Share
Share
Share

წინა სტატია

ნახეთ: ბილი აილიში და ფინიასი Billboard-ის ფოტოსესიაში

შემდეგი სტატია

ჰოლზი: ქრონიკული დაავადების გამო საავადმყოფოში მომიწია დაწოლა

შეიძლება დაგაინტერესოთ

ფოტო, რომელიც ჯასტინ ტიმბერლეიკს პოლიციის განყოფილებაში დაკავებისას გადაუღეს, ხელოვნების ნიმუშად იქცა

ტიმბერლეიკი პოლიციამ ნასვამ მდგომარეობაში ავტომობილის მართვის გამო დააკავა.
მეტი

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი