ქალის თეთრეულის მწარმოებელი ცნობილი ბრენდის Victoria’s Secret სუნამოს Bombshell ახალი სახე კუბელ-ამერიკელი მომღერალი, კამილა კაბეიო გახდა. ის კომპანიის ისტორიაში პირველი ადამიანია, რომელიც პროდუქტს ორ ენაზე უწევს რეკლამირებას.
• ნახეთ: კამილა კაბეიო და უილოუ კლიპს Psychofreak ავრცელებენ
კომპანიის კრეატიულმა დირექტორმა, რაულ მარტინეზმა კი აღნიშნა:
აღსანიშნავია, რომ მომღერალმა ახლახან მესამე სოლო ალბომი Familia გამოუშვა, რომელიც Billboard 200-ის ჩარტში მეათე ადგილზე გავიდა. ტოპ ათეულში მოხვდა ასევე მისი წინა ორი სტუდიური ნამუშევარი Camila და Romance. კამილა ახალი ჩანაწერის პრომოუშენის ფარგლებში გადაცემას Today ესტუმრა.
კამილამ მუსიკალური კარიერა 2012 წელს ამერიკული “იქს ფაქტორის” მონაწილეებისგან შემდგარ ჯგუფში Fifty Harmony დაიწყო. სადებიუტო, პლატინის სტატუსის მქონე სოლო ალბომი Camila მან 2018 წელს გამოუშვა და Billboard 200-ის ჩარტში პირველი ადგილიც დაიკავა. შემსრულებლისთვის კომერციულად წარმატებული სინგლები Havana და Senorita გამოდგა, რომლებიც ბილბორდის ცხელი ასეულის სათავეში მოექცნენ. პირველმა ბრილიანტის სტატუსიც დაიმსახურა. შედეგად კაბეიო პირველი ესპანურენოვანი ქალი შემსრულებელი გახდა, რომელმაც მსგავს წარმატებას მიაღწია.
