ნახეთ: ბრიტნი სპირსი ქორწილზე მადონასთან ცეკვის ვიდეოს ავრცელებს

ფოტო: Kevin Winter/GI

პოპულარული ამერიკელი მუსიკოსის, ბრიტნი სპირსისა და სემ ასგარის ქორწილზე გადაღებული მასალის გამოქვეყნება გრძელდება.

სოციალურ მედიაში გაზიარებულ ვიდეოში ბრიტნი თაყვანისმცემლებს კიდევ ერთხელ აძლევს საშუალებას, იხილონ, თუ როგორ ზეიმობს ის ცნობილ მეგობრებთან ერთად. მუსიკოსი წარმოგვიდგენს თავის საქორწილო კაბას, კოცნის ქმარს და ცეკვავს მასთან და პოპვარსკვლავ მადონასთან ამ უკანასკნელის სიმღერის Like a Virgin ფონზე.

ბრიტნი სპირსი და სემ ასგარი დაქორწინდნენ

სპირსი და ასგარი 9 ივნისს, დანიშვნის შესახებ განცხადებიდან რვა თვის შემდეგ დაქორწინდნენ. წყვილმა ერთმანეთი 2016 წელს ბრიტნის კლიპის Slumber Party გადაღებებზე გაიცნო.

“სიცოცხლე საჩუქარია … არ ინერვიულოთ, სამოსის ქვეშ ჩემი პირველი ბრილიანტის სტრინგი მაცვია. იმედი მაქვს, არავის ვაწყენინე”, – ასეთი ტექსტი დაურთო ბრიტნიმ ინსტაგრამზე გამოქვეყნებულ ვიდეოს ქორწილიდან, რომელზეც დროის ერთ-ერთ მონაკვეთში მუსიკოსმა MTV VMA-ის 2003 წლის დაჯილდოებაზე მადონასთან ლეგენდარული კოცნაც გაიმეორა.
View this post on Instagram

 

A post shared by Britney Spears (@britneyspears)

კიდევ ერთ ვიდეოში, რომელიც სპირსისა და ასგარის ქორწილის შემდეგ გავრცელდა, ბრიტნი, მადონა, პერის ჰილტონი, სელენა გომესი, დრიუ ბერიმორი და დონატელა ვერსაჩე მადონას ცნობილ სიმღერას Vogue ასრულებენ.

ბრიტნი სპირსმა შემოქმედებითი მოღვაწეობა 1992 წელს დაიწყო. პირველი ორი კომერციულად წარმატებული ალბომით მან ყველა დროის ყველაზე გაყიდვადი თინეიჯერი მუსიკოსის სტატუსი შეიძინა. შემსრულებლის ცხრა სტუდიური ჩანაწერიდან ექვსი Billboard 200-ის სათავეში მოხვდა. გრემის მფლობელ მომღერალს 150 მილიონზე მეტი ჩანაწერი აქვს გაყიდული. ბრიტნის ჰოლივუდის დიდების ხეივანში ვარსკვლავიც გაუხსნეს.

Share
Tweet
Share
Share
Share

წინა სტატია

მოუსმინეთ: SZA ალბომის Ctrl დელუქს ვერსიას ავრცელებს

შემდეგი სტატია

ნახეთ: ჯგუფი BTS და Anderson. Paak კომპოზიციას Yet to Come ასრულებენ

შეიძლება დაგაინტერესოთ

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი