ამერიკელი მუსიკოსები, კრის ბრაუნი და ნორმანი სინგლზე WE (Warm Embrace) გადაღებულ ვიდეორგოლს ავრცელებენ. კლიპზე რეჟისორმა The Arrad იმუშავა.
კომპოზიცია WE (Warm Embrace) ბრაუნმა 1 აპრილს გამოაქვეყნა. ნამუშევარი ბილბორდის არენბი სიმღერების ჩარტში მე-11 პოზიციაზე გავიდა, Adult R&B Airplay-ში კი 28-ე ადგილზე. აღსანიშნავია, რომ კრისი რიგით მეათე ალბომს Breezy 24 ივნისს გამოუშვებს. მასში მოწვეული არტისტის რანგში შეხვდებით ჯეკ ჰარლოუს, ფავიო ფორეინს, H.E.R.-ს და სხვებს.
კრის ბრაუნმა შემოქმედებითი მოღვაწეობა 2005 წელს დაიწყო. გრემის მფლობელ შემსრულებელს მსოფლიოში 193 მილიონზე მეტი ჩანაწერი აქვს გაყიდული. არტისტი ფართო საზოგადოებამ მისი სადებიუტო სინგლით Run It! გაიცნო, რომელმაც ბილბორდის ცხელ ასეულში პირველ ადგილი დაიკავა. ამ მიღწევით ვირჯინიელმა შემსრულებელმა ვეტერანი რეპერის, ფი დიდის 1997 წლის წარმატება გაიმეორა. შემსრულებელს კარიერის განმავლობაში 9 სტუდიური ალბომი აქვს გამოშვებული, რომელთაგან სამი Billboard 200-ის ჩარტის სათავეში მოხვდა.
