თბილისის პიანისტთა მეშვიდე საერთაშორისო კონკურსის დაჯილდოება

თბილისის  სახელმწიფო კონსერვატორიაში  2022 წლის თბილისის  პიანისტთა მეშვიდე საერთაშორისო კონკურსი ტარდება. 10 ოქტომბერს კონსერვატორიაში საერთაშორისო ჟიურის შეფასებით გამარჯვებულები გამოვლინდნენ. 

აღსანიშნავია, რომ კონკურსზე პირველი პრემია არ გაიცა. მთავარი პრემიები კი, შემდეგნაირად გადანაწილდა:

VI – პრემია: ხოსე ანდრეს ნავარო სილბერსტეინი, ბოლივია; 

V – პრემია: ტომერ რუბინშტეინი, ისრაელი;

IV – პრემია: დანილო საიენკო, უკრაინა და ლიზი კაკაბაძე, საქართველო; 

III – პრემია: ქიჟენ ვანგი, ჩინეთი;

II – პრემია: იუკი ამაკო, იაპონია;

პიანისტთა საერთაშორისო კონკურსის დასკვნით გალა საღამო, დღეს, კონსერვატორიის დიდ დარბაზში გაიმართება, სადაც გამარჯვებულები მონაწილეობას მიიღებენ დასკვნით კონცერტში და სპეციალური პრიზები და პრემიები გაიცემა.

შეგახსენებთ, რომ „საქართველოს მუსიკალური კონკურსების ფონდი”-ს ორგანიზებით და პროფესორ მანანა დოიჯაშვილის ინიციატივით თბილისის პიანისტთა საერთაშორისო კონკურსი 1997 წელს  დაარსდა, რომლის მთავარი მიზანიც ქართული საშემსრულებლო სკოლის განვითარება, საქართველოში კულტურული ცხოვრების ხელშეწყობა, ახალგაზრდა ნიჭიერი მუსიკოსების გამოვლენა და  პროფესიული წახალისებაა.