წლევანდელ ჰელოუინზე კიმ კარდაშიანმა თავისი 4 შვილი 1990-იანების საკულტო მუსიკოსების ფორმებში გამოაწყო და მათი ფოტოები ინსტაგრამზე გააზიარა. პოსტმა 6 მილიონზე მეტი მოწონება დაიმსახურა.
კარდაშიანის 9 წლის ქალიშვილმა ნორთმა ტომი ჰილფიგერის სამოსით აალიას იმიჯი მოირგო, 4 წლის ჩიკაგო კი ვარცხნილობითა და სტილით შადეს განასახიერებს. 6 წლის სენტი ნაწნავებითა და სამოსით სნუპ დოგის როლშია. 3 წლის პსალმს კი კომპტონის კეპი ახურავს ისევე, როგორც Eazy E-ს.
ცოტა ხნის წინ კიმ კარდაშიანმა ვიდეო გამოაქვეყნა, რომელშიც გამომწერებს საკუთარი სახლის ჰელოუინის დეკორაციები გაუზიარა. ვიდეოში ჩანს ჩონჩხის ძვლებისგან შექმნილი ორი მასიური ხე, მიწიდან ამოსული ხელები, რომლებიც სახლისკენ მიმავალ გზას მიუყვება და შესასვლელის ორივე მხარეს მდგარი ქვის საშიში ფიგურები, რომლებიც კოცონის ირგვლივ დგანან.
ნახეთ კიმ კარდაშიანის შვილების ჰელოუინის ფოტოები.
