პოლ მაკარტნი, ელტონ ჯონი, რინგო სტარი და ჯორჯ ლუკასი  Abbey Road Studios დოკუმენტური ფილმის ტრეილერში

ფილმის “If These Walls Could Sing”-ის რეჟისორ მერი მაკარტნის თქმით, ისინი სტუდიის ოთხმოცდაათ წლისთავს აღნიშნავენ. (მერი მაკარტნი პოლ მაკარტნის ქალიშვილია).
პოლ მაკარტნი ფილმიდან „If These Walls Could Sing“. ფოტო კრედიტი: Disney+
პოლ მაკარტნი ფილმიდან „If These Walls Could Sing“. ფოტო კრედიტი: Disney+

მსოფლიოში ყველაზე ცნობილი ხმის ჩამწერის სტუდიის შესახებ ძნელი წარმოსადგენია ფილმის უფრო შესაფერისი სათაური. Abbey Road Studios-ს შესახებ პირველი ტრეილერი ორშაბათს, 14 ნოემბერს გამოვიდა. ფილმში შესულია მოგონებები ყველა დროის საუკეთესო როკ ვარსკვლავებზე, როგორებიც არიან: რინგო სტარი, ელტონ ჯონი, ნოელ გალაჰერი, ნაილ როჯერსი, ვარსკვლავური ომების შემქმნელი ჯორჯ ლუკასი და სხვა.

„როდესაც ისეთ სივრცეში შედიხარ, სადაც კედლები სხვადასხვა ისტორიითა სავსე, ეს გარკვეულ წილად წმინდა ადგილია.“ – ამბობს ელტონ ჯონი, ფილმის ორ წუთიან ტრეილერში. Disney+doc-ის ფილმი სტუდიის ოთხმოცდაათი წლისთავის აღსანიშნავად, 16 დეკემბერს გამოვა. ფილმის რეჟისორის, მერი მაკარტნის თქმით Abbey Road – მისი ცხოვრების ნაწილი იყო, სადაც მთელი ბავშვობა გაატარა.

„რა თქმა უნდა, სტუდიაში გადაღებული უამრავი დოკუმენტური კადრი არსებობს. ამ ოთხ კედელში იქმნებოდა მუსიკალური მიმდინარეობები, დაწყებული კლასიკური პოპიდან, აფრობიტით, ბლუზით თუ სხვა უამრავი ჟანრით დამთავრებული.“

ყოფილი Oasis-ის გიტარისტი და კო-ვოკალისტი ნოელ გალაჰერი აღნიშნავს, რომ მისი ჩანაწერების უმეტესი ნაწილი სწორედ Abbey Road სტუდიაში ჩაიწერა. 

მერი მაკარტნიმ ფილმის შესახებ ჟურნალ  Rolling Stone-ში ისაუბრა: „როდესაც შევიტყვე, რომ Abbey Road Studios-ს იუბილე ახლოვდებოდა, ჩემში მოგონებებმა გაიღვიძა. მე ამ სტუდიაში გავიზარდე, ამ ადგილს ჩემი ოჯახის ნაწილად ვთვლი. სრულმეტრაჟიანი დოკუმენტური ფილმის გადაღებისას უამრავი აქამდე უცნობი და უძვირფასესი ისტორია აღმოვაჩინე და შევისწავლე.“

ფილმში ასევე იხილავთ ინტერვიუს Oasis-ის მომღერალ ლიამ გალაჰერთან, უილიამსთან, სელესტთან, Pink Floyd-ის როჯერ უოტერსთან და სხვა უამრავ ვარსკვლავთან.

ნახეთ ფილმ „If These Walls Could Sing“-ს ტრეილერი:

Share
Tweet
Share
Share
Share

წინა სტატია

„სასტუმროს დიასახლისი” ანუ La Locandiera იტალიური დასის შესრულებით თუმანიშვილის კინომსახიობთა თეატრში

შემდეგი სტატია

რობერტა ფლეკს ALS-ს გამო სიმღერა აღარ შეუძლია 

შეიძლება დაგაინტერესოთ

ფარელ უილიამსის ანიმაციურ-ბიოგრაფიული ფილმის თრეილერში ფარელს, Jay-Z-ის და კენდრიკ ლამარს ლეგოს სახით იხილავთ

ანიმაციურ - ბიოგრაფიულ ფილმში Piece by Piece გვენ სტეფანი, Snoop Dogg და ჯასტინ ტიმბერლეიკიც მონაწილეობენ.
მეტი
ტიმოთი შალამე Dune-ის მეორე ნაწილის პრემიერაზე, 2024 წლის 25 თებერვალი, ნიუ იორკი.

ტიმოთი შალამე ბობ დილანის როლში, ფოტოები ფილმ A Complete Unknown-ის გადასაღები მოედნიდან

ჯეიმს მანგოლდის მიერ გადაღებულ ბობ დილანის ბიოგრაფიულ ფილმში ელ ფენინგი, მონიკა ბარბარო, ედ ნორტონი და ნიკ ოფერმანი თამაშობენ
მეტი