„Mono Hall-ის კონცერტს ძალიან ველოდებით, მსმენელისთვის ბევრი სიურპრიზი გვაქვს. შევასრულებთ ახალ სიმღერებსაც და ქავერების მხრივაც სიახლეები გვაქვს. ვფიქრობ, ზოგადად Mono Hall-მა ქართულ ალტერნატიულ მუსიკაში თამასა ძალიან აწია. ხალხი კონცერტში ფულის გადახდას მიაჩვია და თან ბილეთის ფასიც გაზარდა, რაც დღევანდელ ალტერნატიულ მუსიკას ვფიქრობ შეესაბამება. კონცერტზე ჩვიდმეტ სიმღერას დავუკრავთ, შეიძლება ცოტა მეტსაც. საღამოს ჩემს მეუღლესთან ერთად, თათასთან, შევასრულებთ რამდენიმე სიმღერას. სულ ცოტა დროა კონცერტამდე დარჩენილი, ნერვიულობა რა თქმა უნდა მატულობს და იმედია ბევრ ადამიანს ვიხილავთ.“ – ლევან ლაუდაძე – LOUDspeakers -ის ვოკალისტი.
ალტერნატიულ ინდი როკ ჯგუფი LOUDspeakers 2009 წელს შეიქმნა. მათი სიმღერები, თემატიკა და მუსიკალური სტილი ქართველი მსმენელისთვის საინტერესო, დასამახსოვრებელია და მიმზიდველია.
LOUDspeakers-მა 2010 წელს Altervision/Newcomers-ზე მიიღო მონაწილეობა, სადაც ის ერთ-ერთ გამარჯვებულად დაასახელეს. მათი პირველი სოლო-კონცერტი კი 2011 წლის თებერვალში შედგა. აქედან მოყოლებული ჯგუფი აქტიურად და წარმატებულად განაგრძობს მუსიკალურ მოღვაწეობას.
LOUDspeakers-ის ჯგუფის შემადგენლობაში არიან: ვოკალი – ლევან ლაუდაძე, კლავიში – სანდრო წიკლაური, ბასი – ლევან მამალაძე და დრამი – გიორგი ბულბულაშვილი.
მოუსმინეთ ჯგუფ LOUDspeakers-ს Deezer-ზე
