ჯენიფერ ლოპესმა ახალი ალბომი This Is Me … Now დააანონსა

მომღერალმა ახალი კრებული 2002 წლის ალბომის This Is Me … Then 20 წლის იუბილეზე დააანონსა და მას „მუსიკალური გამოცდილება“ უწოდა.
ჯენიფერ ლოპესი
ჯენიფერ ლოპესი

20 წელი გავიდა მას შემდეგ, რაც ჯენიფერ ლოპესმა ალბომი This Is Me … Then გამოუშვა. კრებულის საიუბილეო თარიღთან დაკავშირებით, მომღერალმა გადაწყვიტა, ახალი ალბომი სახელწოდებით This Is Me … Now მომდევნო წელს გამოსცეს. 

გავრცელებული პრეს რელიზის მიხედვით, ლოპესი მას „მუსიკალურ გამოცდილებას“ უწოდებს და აღნიშნავს, რომ პროექტი ქრონოლოგიურად აღწერს მის „ემოციურ, სულიერ და ფსიქოლოგიურ მოგზაურობას“ რომელიც ბოლო ორ ათწლეულში გამოიარა. თიზერში, რომლითაც This Is Me … Now დაანონსდა, J.Lo ამბობს: „ეს არის დროის ამ მომენტში აღწერილი ჩემი თავი. თუ თქვენც დროდადრო კარგავთ იმედს და დანებების ზღვარზე ხართ – ეს არ გააკეთოთ. ეს რეალურად შესაძლებელია. და მინდა, ეს გზავნილი მსოფლიოს გადავცე.“

ლოპესმა ახალი ალბომის შესახებ ამერიკულ Vogue-თან ინტერვიუში ისაუბრა. მან ნამუშევარი შემდეგი სიტყვებით აღწერა: „კულმინაცია იმისა, თუ ვინ ვარ, როგორც პიროვნება და როგორც არტისტი.“ ლოპესმა ასევე დაამატა: – „ადამიანებს ჰგონიათ, რომ იციან რა გადამხდა დროსთან ერთად, იციან კაცები ვისთან ერთად ვიყავი – თუმცა სინამდვილეში, მათ წარმოდგენა არ აქვთ და ხშირად, ბევრი რამე არასწორად იყო აღქმული. არსებობს ჩემი ნაწილი, რომელსაც ყველასგან ვმალავდი. ახლა ვგრძნობ, რომ ჩემი ცხოვრების იმ ეტაპზე ვარ, როცა საბოლოოდ რაღაც მაქვს ხმამაღლა სათქმელი.“

This Is Me … Then აერთიანებს ისეთ ტრეკებს, როგორებიცაა The One და All I Have, რომელსაც არტისტი LL Cool J-თან ერთად ასრულებს. ალბომი Billboard 200-ის ჩარტებში 2002 წელს მე-2 ადგილს იკავებდა. გასულ ათწლეულში რამდენიმე სინგლისა და ფილმისათვის Marry Me შექმნილი საუნდტრეკების გამოქვეყნების შემდეგ, This Is Me … Now ჯენიფერ ლოპესის პირველი სოლო ალბომი იქნება. მისი წინამორბედი ალბომი A.K.A. 9 წლის წინ, 2014 წელს გამოვიდა. ჯერჯერობით უცნობია, თუ რომელი ტრეკები შევა 2023 წელს დაანონსებულ სტუდიურ ალბომში. დისკის გამოცემის ზუსტი თარიღი ასევე არ დასახელებულა. 

ნახეთ ჯენიფერ ლოპესის პოსტი, რომლითაც მან ალბომის გამოცემა დააანონსა:

Share
Tweet
Share
Share
Share

წინა სტატია

ნუცა თოფურიას სოლო-კონცერტი –  სადებიუტო ალბომის პრეზენტაცია

შემდეგი სტატია

ირენ კარა

ფილმების Fame და Flashdance ვარსკვლავი ირენ კარა 63 წლის ასაკში გარდაიცვალა

შეიძლება დაგაინტერესოთ

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი