Coldplay ახალ ალბომზე – Moon Music-ზე მუშაობას ასრულებს

როგორც კრის მარტინმა მიანიშნა, აუდიტორიამ ახალი სიმღერების ცოცხალი შესრულება, შესაძლოა, წელს დაგეგმილი კონცერტების მსვლელობისას მოისმინოს.


2022 წლის განმავლობაში, Coldplay-ის დატვირთული საკონცერტო განრიგი ჰქონდა. ჯგუფმა არაერთ დიდ ქალაქში ხალხმრავალი კონცერტები გამართა. თუმცა, როგორც აღმოჩნდა, ეს ყველაფერი არ არის. ახლახან, მუსიკოსმა  კრის მარტინმა გამოცემა City News-თან გაამხილა, რომ ბენდი ახალ სტუდიურ ალბომზე მუშაობას ასრულებს. აღსანიშნავია, რომ Coldplay-ის ბოლო ალბომი, სახელწოდებით Music of the Spheres  2021 წელს გამოიცა.

ალბომზე მუშაობას ვასრულებთ. Მისი სახელწოდებაა  Moon Music.  ის Music Of The Spheres-ის ერთგვარი გაგრძელებაა.“ – თქვა მარტინმა და ასევე აღნიშნა, რომ „წელიწადის რაღაც დროს“ Coldplay-მ, შესაძლოა, რამდენიმე სიმღერა ცოცხლად შეასრულოს. 

კრის მარტინს არ დაუზუსტებია, შევა თუ არა რიგით მე-10 სტუდიურ ალბომში დუეტები სხვა მუსიკოსებთან. ამის მაგივრად, მომღერალმა გაიხსენა არტისტები, რომლებთანაც Coldplay-მ კონცერტების მსვლელობისა, ან ალბომის ჩაწერისას ითანამშრომლა.   

„კონცერტებზე და ალბომებზე მუშაობისას, არაერთი არაჩვეულებრივი არტისტი მოვიწვიეთ. მათთან თანამშრომლობა გარკვეულწილად თავმოყვარეობაზეც მოქმედებს, რადგან უცებ აცნობიერებ – „ოჰ, ეს ადამიანი ბევრად ნიჭიერია“. – თქვა კრის მარტინმა სიცილით და  მაგალითად კონკრეტული მუსიკოსები, ბენდები მოიყვანა. კრის მარტინმა აღნიშნა H.E.R., სელენა გომესი, ჯეიკობ კოლიერი და BTS.

Coldplay-მ საკონცერტო ტურნე 2022 წლის 18 მარტს, კოსტა რიკაში დაიწყო. ტურნე 2023 წელსაც გრძელდება. ბენდმა ჩრდილოეთ ამერიკაში დაგეგმილი კონცერტების თარიღები სწორედ ამ წლის დასაწყისში გამოაქვეყნა.
აღსანიშნავია ისიც, რომ 4 თებერვალს, Coldplay ცნობილი სატელევიზიო შოუს – Saturday Night Live-ის მუსიკალური სტუმარი იქნება.

Share
Tweet
Share
Share
Share

წინა სტატია

პოლიციის მიერ მისი უსაფრთხოების შემოწმების შემდეგ ბრიტნი სპირსი ამბობს, რომ „ცოცხალია და კარგად არის”

შემდეგი სტატია

ჰილარი დაფის ოთხი წლის ქალიშვილი ჰარი სტაილსის გულშემატკივარია

შეიძლება დაგაინტერესოთ

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი