მადონა მის საკულტო სასცენო კოსტიუმებს იხსენებს

„როგორ არ გავიხსენო ის საოცარი ტანსაცმელი, რომელიც მეცვა და ყველა ის საოცარი დიზაინერი, ვისთან მუშაობის ბედნიერებაც მქონდა!!”
მადონა
Frans Schellekens/Redferns

მადონამ თავის არქივს გადახედა. პოპის დედოფალმა ინსტაგრამზე ზოგიერთი მისი საყვარელი კოსტიუმის ფოტოები გაავრცელა, რომლებსაც ის სპეციალურ სათავსოში ინახავს.

„არქივში მოგზაურობა ყოველთვის ნოსტალგიური გასეირნებაა მეხსიერების ბილიკზე. როცა ჩემს 40-წლიან მოგზაურობაზე ვფიქრობ მუსიკაში, როგორ შეიძლება, არ გავიხსენო ის საოცარი ტანსაცმელი, რომელიც მეცვა და ყველა ის საოცარი დიზაინერი, ვისთან მუშაობის ბედნიერებაც მქონდა!!” – Წერს მადონა და მისი საკულტო ტანისამოსის ფოტოებს აქვეყნებს. ფოტოებშია ჟან-პოლ გოტიეს ბიუსტჰალტერიც, რომელიც მადონას 1990 წლის ტურნეში ეცვა. 

„როცა პატარა გოგო ვიყავი, დედაჩემს სულ სციოდა. ნაწილობრივ იმიტომაც, რომ ავად იყო, მაგრამ ასევე იმიტომ, რომ არასდროს ჰქონია პალტო. იმ ცოტაოდენ ფულს, რაც გაგვაჩნდა, ყოველთვის ჩვენს ქურთუკებზე ხარჯავდა. მახსოვს, როცა გარეთ ვიდექით და სკოლის ავტობუსს ველოდებოდით, დედა სიცივისგან კანკალებდა შუა ზამთარში!! წლების შემდეგ, როცა მე წარმატებული გავხდი, დედაჩემის დამ მითხრა: „ახლა შენ შეგიძლია იყიდო ყველა ის პალტო, რომელიც დედაშენმა ვერ იყიდა! მოგზაურობა ზამთარში აკანკალებული დედაჩემისგან ჩემამდე მოდის და ახლა მე ვკანკალებ ზედმეტად ცივ სათავსოში, სადაც ჩემი კოსტიუმები ინახება. Სავსე ვარ მადლიერებით. ყოველთვის, როცა პალტოს ვიცვამ, დედაჩემზე ვფიქრობ. იმედი მაქვს, მოსწონს ჩემი კოსტიუმები. მაგრამ ყველაზე მეტად იმის იმედი მაქვს, რომ თბილადაა!”

ნახეთ მადონას პოსტი

Share
Tweet
Share
Share
Share

წინა სტატია

Bad Bunny ჰარი სტაილსს ბოდიშის უხდის 

შემდეგი სტატია

სელენა გომესმა გადასაღები მოედნიდან მერილ სტრიპთან ერთად გადაღებული ფოტო გამოაქვეყნა

შეიძლება დაგაინტერესოთ

The Weeknd-მა ხანძრის შედეგად დაზარალებული ლოს-ანჯელესის დასახმარებლად 1 მილიონი დოლარი გაიღო

უფრო ადრე, არტისტმა ლოს-ანჯელესში დაგეგმილი მუსიკალური შოუ გააუქმა და ალბომის გამოცემა გადადო.
მეტი

რეჟისორი დევიდ ლინჩი 78 წლის ასაკში გარდაიცვალა

ლინჩის პროექტები სხვადასხვა დროს Billboard-ის ჩარტებშიც მოხვდა. მან ასევე იმუშავა მუსიკალურ ვიდეოებზე. მათ შორის არის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
მეტი

ბობ დილანი ტიკტოკს შეუერთდა

ფანების ყურადღება აპლიკაციაში მუსიკოსის დაგვიანებულმა გამოჩენამ მიიქცია - რამდენიმე დღით ადრე აშშ-ში ტიკტოკის მოსალოდნელ აკრძალვამდე.
მეტი