Green Day-მ ახალი ალბომი – Saviors გამოუშვა

Saviors ბენდის მე-14 სტუდიური ალბომია.

Green Day-მ ალბომი გამოუშვა. Saviors – ასე ჰქვია ჯგუფის მე-14 სტუდიურ ალბომს, რომელშიც ახალ სიმღერებთან ერთად, ბენდის ბოლოდროინდელი წარმატებული ტრეკი – The American Dream Is Killing Me არის შესული. აღსანიშნავია, რომ 4 წელი გავიდა მას შემდეგ, რაც Green Day-მ წინა ალბომი – Father of All… გამოსცა.

როგორც Rolling Stone-თან ინტერვიუში ბენდის ბასისტმა მაიკ დერნტმა აღნიშნა, The American Dream Is Killing Me ბილი ჯო ამსტრონგმა დაახლოებით 4 წლის წინ დაწერა. გარდა ამ ტრეკისა, ალბომის გამოცემამდე ბენდმა კიდევ ოთხი სინგლი Dilemma, Bobby Sox, One Eyed Bastard და Look Ma, No Brains! გამოაქვეყნა. Saviors-ში შესული ყველა სიმღერა ბენდის წევრების ამსტრონგის, დერნტის და ტრე ქულის დაწერილია. ტექსტთან ერთად, მათვე ეკუთვნით მელოდიაც. ახალი ალბომის წარდგენის ფარგლებში  Green Day-მ 16 იანვარს Rockefeller Center-ში ლაივ სესია წარადგინა. მუსიკალური სესია ცნობილი შოუს სახელწოდებით  The Tonight Show Starring Jimmy Fallon ფარგლებში ჩაიწერა. 

ალბომის გამოცემის შემდეგი ეტაპი ჩანაწერის მხარდამჭერი ტურნეა, რომლის პირველი კონცერტი 29 ივლისს ვაშინგტონში Nationals Park-ის სტადიონზე გაიმართება. ტურნე ბენდისათვის მნიშვნელოვან საიუბილეო თარიღებს ემთხვევა. 2024 წელს Green Day სიმღერების  Dookie-ის გამოსვლიდან 30 წლის და American Idiot-ის გამოცემიდან 20 წლის იუბილეს აღნიშნავს. ჯგუფის კონცერტებზე აუდიტორიის წინაშე წარდგებიან ისეთი მოწვეული შემსრულებლები, როგორებიც არიან The Smashing Pumpkins, Rancid და The Linda Lindas.

მოუსმინეთ ალბომს –  Saviors.

Share
Tweet
Share
Share
Share

წინა სტატია

თეონა ცირამუა - გორის ქალთა გუნდის სამხატვრო ხელმძღვანელი

გორის ქალთა გუნდი – ქართული საგუნდო მუსიკის გამორჩეული სახე – ინტერვიუ თეონა ცირამუასთან

შემდეგი სტატია

მადონა ჟან-პოლ გოტიესთან ერთად საკულტო კორსეტის მაისურს უშვებს 

შეიძლება დაგაინტერესოთ

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი